Comezamos setembro, un mes que para moitos representa o remate das vacacións e para outros o comezo delas. Seguimos con espírito de verán, con festas en moitos lugares. Comezan os labores de vendima, unha tarefa propia destas datas.

Coma sempre, a fraseoloxía popular amósanos os costumes, as tarefas do campo e incluso o tempo propio de setembro:

-A castaña quere en agosto arder e en setembro beber

-A cepa, tarde ou cedo, sempre dá uvas polo setembro

-En agosto secan os montes e en setembro as fontes

-En setembro colle o viño e non durmas no camiño

-En setembro vendima correndo

-En setembro come e vende, mais non sea tanto o vender que non deixes que comer

-En setembro, ou montes arder ou fontes caer

-O que en agosto ou setembro non dá cebada, en San Xoán non fai xornada

-Por san Miguel mete o viño no tonel

-Polo san Miguel sabe o touciño a mel

-Setembro, ou leva as pontes ou seca as fontes

-Temperá é a castaña que por setembro regaña

-San Migueliño das uvas maduras, tarde me vés e pouco me duras