Tuberculose ← Efervesciencia

Efer 514 (14-5-20): O papel da nova vacina da tuberculose contra a COVID en estudo

Mai

15

2020

1x

0:00

55:59

Efer 514 (14-5-20): O papel da nova vacina da tuberculose contra a COVID en estudo

Google Podcasts Descargar Android RSS Spotify Ivoox Spreaker

(5:19) Este ano van morrer no mundo polo menos un millón e medio de persoas por esta doenza. Non é coronavirus, senón a tuberculose. A centenaria vacina BCG non é segura pero non defende das formas respiratorias da enfermidade. A MTBVAC é a única vacina candidata actual para substituír á BCG. Foi creada polo grupo de Carlos Simón, catedrático de microbioloxía da Universidade de Zaragoza. A implementación industrial de MTBVAC e os estudos clínicos os está a levar a cabo á biofarmaceútica galega Biofabri, do grupo Zendal. Actualmente estase a rematar a fase clínica 2a.
(22:46) Hai sospeitas de que tanto BCG, e por extensión MTBVAC, poderían proporcionar inmunidade cruzada contra a COVID. Esta hipótese está en estudo en macacos en Holanda. En poucos meses teremos os resultados. Conversamos con Carlos Simón e Esteban Rodríguez, director xeral de Biofabri.

(34:52) A chamada sorpresa da Avoa de Einstein apunta desta volta ao teléfono de Deborah García Bello.
(43:03) A Axencia Galega de Innovación, GAIN, ven de apoiar 8 proxectos galegos de innovación para loitar contra a Covid como resultado dunha convocatoria de emerxencia. Nolo conta a directora do Gain, Patricia Argerey.

Efer 344 (28-2-16): Inmunoloxía

Mar

3

2016

A todos os estudantes lles terá parecido aburrido aprender un tema novo. Iso é así porque a aprendizaxe é descubrimento pero non aventura. Pero si foi unha aventura a que viviron quen contribuíron a encher os libros que hai que estudar para aprobar os exames

César Milstein, premio nobel de medicina

Os inmunólogos traballan en como reforzar as defensas do noso organismo e non empregan iogures precisamente. A catedrática de inmunoloxía da Universidade de Vigo África González cóntanos os seus traballos para mellorar a vacina da tuberculose e o uso da nanotecnoloxía nesta disciplina.

Tamén lembramos a figura de César Milstein, premio nobel de medicina, con quen África estivo 4 anos como investigadora de postdoutoramento. Durante a emisión do programa na Radio Galega os compañeiros da Agrupación IO fixéronnos esta recomendación:

@efervesciencia O documental UN FUEGUITO pode verse no canal de Vimeo da produtora @pulpofilms: https://t.co/1mmZbPlxMU

— Agrupación Ío (@agrupacionio) 28 febreiro 2016

No noso Circo de Bacterias de Esteban Fernández Moreira coñeceremos avances na loita contra a malaria que saíron do coñecemento indíxena. Saberes que foron validados polo método científico e que agora son patrimonio da humanidade. Linneo chamou á quina Cinchona officinalis e esqueceu ao seu descubridor o indio Pedro Leyva.

Alberto Rojo, profesor do departamento de Enxeñería Agroforestal da Universidade de Santiago preséntanos Eucatool, unha aplicación dixital para estimar a produción das plantacións de eucalipto. Con Eva Rodríguez da Axencia SINC.

Completa este programa a presentación en primicia que nos fixo Deborah García Bello do seu libro “Todo es cuestión de química”.

Efer 271 (25-1-14): Como facer unha vacina para a tuberculose comezando de cero

Xan

30

2014

Un bebé nado en 1960 tiña un 18% de probabilidades de morrer antes do seu quinto aniversario, para un bebé nado hoxe a probabilidade é menos dun 5%. En 2035 será de menos dun 1,6%. Non se me ocorre ningún outro avance no benestar da humanidade logrado en 75 anos que se lle poida comparar

Bill Gates, carta aberta 2014

A tuberculose segue a matar a 1 500 000 persoas ao ano no mundo. Desde 1921 contamos coa vacina BCG pero en moitos casos non é efectiva. Todas as novas vacinas intentan mellorar a BCG, que se creou a partir de bacterias de orixe vacún. Todas menos unha. O grupo do noso invitado, o profesor da Universidade de Zaragoza Carlos Martín leva 15 anos desenvolvendo unha vacina contra a tuberculose partindo de cero. A MTBVAC atenúa dos xenes clave nun cepa humana de Mycobacterium tuberculosis. O fabricante mundial desta nova vacina é a empresa biotecnolóxica Biofabri con sede no Porriño. Actualmente a vacina atópase en ensaio clínico en Fase I.

[audio:http://blogs.crtvg.es/efervesciencia/wp-content/uploads/2014/01/ENTRE-carlos-martin-def.mp3]

Entrevista a Carlos Martín

Carlos Martin (centro) e o seu equipo con Bill Gates

Science Tranlational Medicine dá conta dun pegamento activado por luz que podería servir para pegar corazóns rotos. Ao fío desta nova Bibibiana García Visos introdúcenos no mundo dos pegamentos na súa sección “Ciencia para andar por casa”.

[audio:http://blogs.crtvg.es/efervesciencia/wp-content/uploads/2014/01/Bibiana-pegamento-def.mp3]

Ciencia para andar por casa: Pegamento

Imaxe cortesía de Randal McKenzie

Borja Tosar invítanos a xeado espacial na súa nova Postal Planetaria.

Velaquí podes escoitar e descargar o programa completo:

[audio:http://blogs.crtvg.es/efervesciencia/wp-content/uploads/2014/01/efer-271-25-1-14.mp3]

Programa completo Efer 271 (25-1-14)