Efer 380 (15-1-17): Os inventos máis enxeñosos e baratos

As revolucións da papelfugadora

f1

A papelfugadora é unha centrifugadora operativa de moi baixo custe. En esencia é un disco de cartón e un fío que pasa polo seu centro que se fai xirar manualmente e que pode acadar as 125 000 rpm. Este invento da Universidade de Stanford é quen de separar o plasma sanguíneo en 90 segundos e illar os parasitos da malaria en 15 minutos.

 

Unha cafeteira Nespresso,tecnlxía punta para investigar solos

Cunha filosofía semellante un equipo da Universidade de Valencia ven de demostrar que unha simple cafeteira Nespresso pode extraer tan eficientemente contaminantes de solos como equipos que custan 50.000 €. Conversamos con Frances Esteve.

 

Poñer cancelas aos ríos. Inundacións con Jerónimo Puertas.

Con Jerónimo Puertas, catedrático de enxeñería hidráulica da UdC, conversamos sobre as causas das inundacións dos ríos galegos. Gaspar Broullón, produtor do filme documental “Esquece Monelos“, cóntanos como unha cidade pode engulir un río.

 

A vacina do Ébola é eficaz. Agora quen a fabrica?

A revista Lancet deu a coñecer que a efectividade da vacina do Ébola probada en África Occidental é do 100%. Para debullar esta nova contamos con César Muñoz Fontela, director do laboratorio de virus emerxentes do Instituto Heinrich Pete (Hamburgo-Alemaña). Fontela traballa en África no terreo desde o Laboratorio Móbil Europeo e lanza unha pregunta inquietante: Quen vai asumir a fabricación da vacina a partires de agora?

Efer 270 (18-1-14): Por que os paxaros teñen plumas de cores?

Unha galiña tan so é medio que ten un ovo para fabricar outro ovo

Samuel Butler

Esta edición vai de cores: azul, gris, verde, azul e vermello.

Azul Ovo

Poñer un ovo azul é difícil, difícil aínda que non raro. A metade das especies de paxaros poñen ovos con tonalidades azuis ou verdes, aínda que isto non semella ser unha estratexia moi útil pra agochar os ovos dos posibles depredadores…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Introdución: Ovos azuis

Ovos azuis

Gris cinza

Logo dun lume forestal o solo non so pode perder a súa parte máis fértil senón tamén contaminar ríos e acuíferos. Serafín González, investigador científico do Instituto de Investigacións Agrobiolóxicas de Galicia (IIAG-CSIC) cóntanos como unha cobertura de palla pode ser unha boa solución, aínda que non é a panacea.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Serafín González e a recuperación de solos queimados

Lume nas Fragas do Eume (Mariano Grueiro CC BY-NC-SA 2.0)

Verde pata dun piquero de patas azuis

O profesor da Universidade de Vigo Alberto Velando é un dos investigadores mais citados do mundo en comportamento animal segundo Thomson-Reuters. Velando explícanos que os científicos negáronse a aceptar durante século e medio – ata os anos 90 – que a cor do paxaros tiña que ver coa selección sexual ao escoller parella. O seu grupo ten estudado abondosamente o comportamento dun pequeno mascato na Illa Isabel en México: o piquero de patas azuis (Sula nebouxii).

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Entrevista a Alberto Velando

Piqueros de Patas Azuis nas Galápagos (Laura Gooch CC BY-NC-ND 2.0)

Azul glaciar

Nova entrada do “Diario dun Neurocientífico ao redor do mundo”. Na súa volta ao mundo Xurxo Mariño segue os pasos de Darwin pola Patagonia e Tierra de Fuego.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Xurxo Mariño na Patagonia

Parque Nacional de los Glaciares (Xurxo Mariño)

Vermello Betelgeuse

A catedral do ceo de inverno é á constelación de Orión, coa superxigante vermella Betelgeuse no ombreiro do cazador mitolóxico. Escoita a nosa Guía do Ceo de inverno.

Velaquí tes a paleta completa, o programa íntegro para escoitar e descargar:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Descarga Efer 270 (18-1-14)

Social Widgets powered by AB-WebLog.com.