Volve a Noite Efervescente

O vindeiro sábado día 5 de abril ás 21:30 tes unha cita coa Noite Efervescente no parque de Santa Margarita en A Coruña.

Poderás disfrutar dunha observación pública do ceo nocturno urbano cunha morea de amigos.

Primeira Noite Efervescente (Óscar Blanco)

Tras o éxito da edición da tempada pasada volve a Noite Efervescente (1 e 2). Noite Efervescente é un nanoproxecto de astronomía para todos que se vai lugar a cabo en dúas xornadas. A primeira será unha sesión de “planetario + observación nocturna urbana” e a segunda unha velada de observación nocturna no albergue dos Biocos en San Xoán de Río (Ourense) que terá lugar no verán.

Planetario + observación nocturna urbana (A Coruña, 5 de abril)

Esta foi a presentación da xornada que fixemos no programa Efervesciencia:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Descarga a presentación de Efervesciencia na noite con Isa de AMIPA

Nesta actividade van participar 100 persoas con discapacidade intelectual de asociacións de toda a provincia de A Coruña cos seus respectivos monitores de ocio. A cita é na tarde-noite do sábado 5 de abril na Casa das Ciencias e no Parque de Santa Margarita na Coruña. Os membros das distintas asociacións asistirán a sesións de planetario na Casa das Ciencias adaptadas aos seus intereses e espectativas. A partir das 9:30 da noite realizarase unha observación pública de ceo nocturno urbano aberta a todas as persoas, grandes e pequenas, que se queiran achegar e que queiran compartir o momento con todos os participantes das asociacións. O ceo é un patrimonio de todos que non ten barreiras. Os micros de Efervesciencia han de documentar sonoramente toda a velada. En caso de mal tempo suprimiríase a observación pública.

 

Festa da astronomía para todos en Os Biocos

Ceo de Os Biocos capturado por Óscar Blanco na Noite Efervescente 13

Terá lugar baixo o espectacular ceo nocturno de San Xoan de Río (Ourense), e está aberta a todos os amigos e oíntes de Efervesciencia ademais das asociacións participantes. Temos dúas datas propostas en función do tempo: 28 de xuño ou 19 de xullo. Iremos dando mais detalles na web de Efervesciencia.

Escoita a reportaxe que fixemos o ano pasado en Os Biocos:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


Descargar reportaxe Noite Efervescente 13

 

Noite Efervescente é unha iniciativa do programa Efervesciencia da Radio Galega e os seus “estreleiros”, e no que participan a Agrupación Astronómica IO, os Museos Científicos Coruñeses, a Liga Provincial de Clubs de Ocio de Persoas con Discapacidade Intelectual da Coruña, e Astronomía na Beirarúa.

As asociacións participantes na “Noite Efervescente” son :

Club Finisterre da Asociación ASPRONAGA (A Coruña)

ADCOR (A Coruña)

Nosa Señora de Chamorro (Narón)

Club Manuel Pose Veiga de ASPABER (Carballo)

Centro Pai Menni (Betanzos)

AMIPA (Comarca do Sar)

ASPADEX (Cee)

Aspadisol (Oleiros)

Artefíos (A Coruña)

 

Efervesciencia é o programa de divulgación científica da Radio Galega que se emite os sábados ás 4 da tarde. Prisma de Bronce na XXVI edición dos Premios Prismas Casa de las Ciencias á Divulgación. Efervesciencia está patrocinado pola Fundación Española para la Ciencia y la Tecnología (FECYT) – Ministerio de Economía e Competitividade.

Noite Efervescente

Foto de Óscar Blanco

Noite Efervescente é un nanoproxecto de astronomía para todos, iniciativa do programa Efervesciencia da Radio Galega e no que participan a Agrupación Astronómica IO e Astronomía na Beirarrúa e a Liga Provincial de Clubs de Ocio de Persoas con Discapacidade Intelectual da Coruña.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Audio da presentación da Noite Efervescente en Efervesciencia

A Noite Efervescente terá lugar o sábado 15 de xuño, e consistirá nunha velada de observación do ceo á que están convidados todos os amigos de Efervesciencia. Esta festa para gozar da astronomía celebrarase nun lugar privilexiado pola calidade do seu ceo nocturno, o albergue dos Biocos en San Xoán de Río (Ourense).

Un grupo de 40 persoas con discapacidade intelectual de diversas asociacións da provincia de A Coruña tamén participarán no evento. Nunha etapa previa deste proxecto astrónomos afeccionados de IO e de Astronomía na Beirarúa desprazáronse ás diferentes asociacións para realizar unha serie de obradoiros de iniciación á astronomía.

Familias, grupos de amigos e en xeral calquera persoa interesada pode participar na Noite Efervescente. Quen desexe quedar a durmir no albergue ou facer uso das súas instalacións debe contactar previamente con este no teléfono 988 346 204, no correo info@osbiocos.com, ou na páxina de reservas.

No caso de que a previsión meteorolóxica a 4 días sexa adversa posporase a actividade ao sábado 13 de xullo.

No programa Efervesciencia levarase a cabo un concurso para agasallar cunha estadía para 6 persoas dunha noite con almorzo nun dos apartamentos dos Biocos.

As asociacións participantes na “Noite Efervescente” son :

Club Finisterre da Asociación ASPRONAGA (A Coruña)

ADCOR (A Coruña)

APADER (Cedeira)

Nosa Señora de Chamorro (Narón)

Club Manuel Pose Veiga de ASPABER (Carballo)

Centro Pai Menni (Betanzos)

AMIPA (Comarca do Sar)

ASPADEX (Cee)

 

 

Efer 244 (11-5-13): Todos somos un chisco xitanos e viceversa

As razas son puras invencións que sempre se utilizaron para clasificar arbitrariamente homes e mulleres en mellores e peores e deste xeito discriminar ós últimos

Rita Levi-Montalcine

 

David Comas coa nosa colaboradora Marta Vila nos estudios de A Coruña

Analizando o xenoma de diferentes poboacións humanas podemos aprender moito da súa historia. O grupo de David Comas, investigador do Instituto de Bioloxía Evolutiva do CSIC- UPF, ten estudiado ao pobo xitano desde este punto de vista. A xenética afina a orixe da maior minoría étnica de Europa, que está composta por máis persoas que a poboación de Grecia ou Portugal. Os datos indican en que porcentaxe as diferentes comunidades xitanas se teñen misturado coa poboación local na a súa migración desde o norte  da India hai 1500 anos. Agora cómpre determinar canta compoñente xitana levamos os non xitanos.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Descargar Entrevista a  David Comas

A. O vermello indica a zona de maior probabilida de orixe dos xitanos. B. Reconstrución demográfica (Fonte: Mendizabal et al. Current Biology 22:2342-2349)

.

As constelacións circumpolares están visibles todo ano. Nesta Guía do Ceo a protagonista é Draco, a constelación do Dragón.  Os nosos estreleiro tamén aproveitan para presentar a  Noite Efervescente.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Guía do Ceo de Maio

.

Nesta edición efervescente tamén presentamos aos gañadores  do concurso Inspiraciencia na categoría de microrelatos en galego. Velaquí está  programa íntegro:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Descargar Efer 244 (11-5-13)

Social Widgets powered by AB-WebLog.com.