Noite Efervescente ← Efervesciencia

Efer 486 (26-9-19): VII Noite Efervescente e baixo a cúpula con Héctor Socas

Out

6

2019

1. As vacacións da avoa de Einstein. Inicio da tempada 13 (0:00)

2. Carlos Fernández @AcuArchitects ten 16 anos e vén de gañar o concurso de vídeo científico para escolares Ciencia Clip cunha peza sobre arquitectura. (3:17)

3. VII Noite Efervescente desde Castrelo de Miño e Festival Divulgación

Un ano mais organizamos unha observación pública e inclusiva do ceo nocturno. Acompañáronnos os amigos de Amipa, Aspronaga e Fundación Adcor.

Luisa Martínez presentounos “Puf! Vaia Peido” (Editorial Galaxia).

Martin Pawley explicounos o ceo e Xurxo Mariño adiantounos o contido da súa charla no Festival Divulgacción. (9:04)

4. Convite de Beatriz Díaz para o concurso internacional de biotecnoloxía Zendal (30:35)

5 Baixo cúpula con Héctor Socas

Conversa baixo a cúpula da Casa das Ciencias co astrofísico do IAC-CSIC, divulgador, e alma máter do podcast @pcoffeebreak, Héctor Socas (31:36)

Efer 447 (10-10-18) Noite Efervescente desde Guitiriz

Out

20

2018

⇑⇑⇑ Así transcorreu a VI Noite Efervescente que tivo lugar na Casa Habanera de Guitiriz coa presenza dos amigos de AMIPA e ASPABER e a inestimable colaboración dos nosos estreleiros Borja Tosar e Martin Pawley. Tivemos de anfitrioa á Regina Polín, alcaldesa de Guitiriz.

Fotóns sen fronteiras

Salvador Bará, profesor de óptica na USC, investiga na medición da contaminación luminosa. As imaxes por satélite revelan que a contaminación luminosa non sabe de fronteiras administrativas. Un lugar como Guitiriz, por exemplo, recibe a meirande parte de contaminación luminosa dos concellos limítrofes.

Pinzas ópticas, láseres e o Nobel de Física

Maite Flores, profesora de física da USC, debúllanos o Nobel 2018 de física dedicado ás pinzas ópticas e os láseres de pulsos ultracurtos e de alta intensidade.

Efer 446 (3-10-18): Biohacking desde a Open Science Cambre

Out

4

2018

Open Science Cambre

Iniciamos tempada desde o “Open Science Cambre” onde coñecemos que é o biohacking con Cristina Hernández do BIFI (Instituto de Biocomputación y Física de Sistemas Complejos – Universidad de Zaragoza). Tamén conversamos con José Viñas (profesor do IES David Buján de Cambre), Hugo (director da “Open Science Cambre”), María Luque (participante na feira, instituto Kursaal de Algeciras) e Cristina Pavisic (Instituto de Instrución Superior Galileo Galilei de Jesi-Italia).

Inmunoterapia contra o cancro

Amaia Lujambio é investigadora do Hospital Monte Sinai de Nova Iorque e especialista en cancro de fígado. Con ela debullamos o Nobel de medicina 2018 a James P. Allison e Tasulo Honjo polos seus traballos na inmunoterapia do cancro.

AMIT en A Coruña

Coñecemos o encontro da AMIT (Asociación de Mujeres Investigadoras y Tecnólogas) da man da nosa colaboradora Joana Magalhaes e Ana Jesús López (presidenta de AMIT-Galicia).

Previa Noite Efervescente

Co noso estreleiro Martin Pawley presentamos a VI Edición da Noite Efervescente que habemos celebrar en Guitiriz.

Ven á Noite Efervescente en Castrelo de Miño

Xuñ

28

2017

Embalse-Castrelo-de-Miño_6-1400x718

A “V Noite Efervescente” terá lugar no Náutico de Castrelo de Miño o venres 30 de xuño ás 22 h. Comezaremos gravando un especial Efervesciencia aproveitando a conmemoración do Día Internacional dos Asteroides, con algunha que outra sorpresa. E ás 23 h. gozaremos dunha observación pública do ceo da man dos nosos estreleiros, Martin Pawley, Irene Baspino e Borja Tosar, coa colaboración de Dosi Veiga. Un festa da astronomía para todos na que contamos como invitados especiais os amigos das asociacións Adcor, Chamorro, Aspaber e Amipa. Agardámoste!

91848479

Noite Efervescente é unha iniciativa do programa Efervesciencia da Radio Galega-USC e os seus «estreleiros», e no que colabora a Agrupación Astronómica “IO” e a Liga Provincial de Clubs de Ocio de Persoas con Discapacidade Intelectual da Coruña.

Abaixo podes escoitar o programa que fixemos na anterior “Noite Efervescente” desde o observatorio de Cotobade.

Nota: Por erro na primeira versión desta entrada puxemos que a Noite Efervescente é o 30 de setembro, cando en realidade é o 30 de xuño. Xa correximos o erro no corpo da entrada.