Nobel ← Efervesciencia

Efer 488 (9-10-19): A xanela ao universo de Forcarei cumpre 10 anos

Out

9

2019

Visitamos o observatorio astronómico de Forcarei da Fundación Ceo, Ciencia e Cultura para celebrar o seu 10 aniversario e coñecemos aos gañadores dos Premios de Investigación 2019 da Real Academia Galega de Ciencias.

As castañas de hoxe “creáronse” antes de Colón. Con Santiago Pereira (USC) Premio Investigadores Sénior RAGC (1:44)
Desde o observatorio astronómico de Forcarei, 10 anos ollando ao universo. Con Ana Ulla (UVigo), Enrique Alonso (Fundación FC3), Richi e Susana (14:40)
Detección de contaminantes emerxentes procedentes de produtos cosméticos. Con María Celeiro (USC), mención honorífica investigadores sénior Premio RAGC (32:23)
En álxebra tamén se investiga con Xavier García, mención honorífica investigadores mozos Premio RAGC (37:06)
Nobel aos mecanismos de adaptación ao osíxeno das células con José A. Costoya (CIMUS) (40:37)
0 P107, un elo feble para atacar á obesidade? Con Juan Cuñaro (USC), premio investigadores mozos RAGC (47:14)

Efer 366 (14-10-16): Tres nóbeles e unha medalla Fields

Out

14

2016

As matemáticas son arte de dar o mesmo nome a cousas diferentes (Poincaré)

O actual director do instituto Poincare é o matemático Cedric Villani que estivo esta semana en Compostela invitado polo programa Conciencia que dirixe Jorge Mira. Quizais o mais fascinante dos traballos de Cedric Villani sexa descubrir como o estudo de fenómenos físicos ideais logo teñen aplicacións en campos dispares e alonxados como é o caso da economía.

Debullamos os nóbeles de ciencia 2016 cos mellores especialistas

1. Ana Mª Cuervo é unha investigadora de referencia en autofaxia no Albert Einstein College of Medicine de Nova Iorque. Ela explícanos o nobel concedido a Yoshinori Ohsumi.

2. Certos estados da materia conducen a electricidade non en función da súa estrutura ou composición senón a súas propiedades matemáticas como o número de buratos que presentan. Joaquín Fernández Rossier, director do proxecto de “Spintrónica do Grafeno” do Laboratorio Ibérico de Nanotecloxía (INL), preséntanos o nóbel de física que se lle concedeu a Thouless, Haldane e Kosterlitz.

3. A nosa colaboradora e profesora de química da USC Rosa Pedrido debúllanos o premio nobel de química 2016 concedido a Stoddart, Sauvage e Feringa polo desenvolvemento das máquinas moleculares.

O oso cavernario sempre volve á cova de mamá

Con Eva Rodríguez de SINC conversamos con Gloria Fernández Fortes da Universidade de Ferrara. A súas investigacións xenéticas veñen de descubrir a fidelidade dos extintos osos cavernarios ás súas covas natais.

Efer 297 (12-10-14): Ébola

Out

22

2014

Un virus é un anaco de ácido nucleico rodeado de malas novas

Peter Medawar

O virus do Ébola non é un descoñecido para varios grupos de investigación que levan anos estudándoo. E aquí dáse un dobre paradoxo. Os científicos descoñecen como interaciona o virus no corpo porque ata agora, en 40 anos, déronse realmente poucos casos de ébola, aínda que a maioría mortais. O actual andazo vai ser a ocasión para conseguir datos que lles poidan levar a atopar un remedio.

A outra contradición desta doenza é que estes grupos de investigación ata agora tiñan bastante complicado obter financiamento abondo para levar a bo porto as súas pescudas.

Nesta edición Efervescente coñeceremos a César Muñoz Fontela, un destes científicos que levan anos traballando en Ébola

[audio:http://blogs.crtvg.es/efervesciencia/wp-content/uploads/2014/10/Cesar-Muñoz-Fontela-parte-1.mp3|titles=Cesar Muñoz Fontela parte 1]

Cesar Muñoz Fontela parte 1

[audio:http://blogs.crtvg.es/efervesciencia/wp-content/uploads/2014/10/Cesar-Muñoz-Fontela-parte-2.mp3]

Cesar Muñoz Fontela parte 2

César Muñoz-Fontela

Levamos os nosos micros ao VII Congreso de Agapema, a Asociación Galega de Profesorado de Educación Matemática.

Pedro Alegría facendo maxía e matemáticas (Foto @efegago)

[audio:http://blogs.crtvg.es/efervesciencia/wp-content/uploads/2014/10/agapema-1.mp3]

Agapema 1

[audio:http://blogs.crtvg.es/efervesciencia/wp-content/uploads/2014/10/agapema-2.mp3]

Agapema 2

[audio:http://blogs.crtvg.es/efervesciencia/wp-content/uploads/2014/10/agapema-3.mp3]

Agapema 3

[audio:http://blogs.crtvg.es/efervesciencia/wp-content/uploads/2014/10/agapema-4.mp3]

Agapema 4

:

Infografía sobre os leds azuis de nobleprize.org

O catedrático de Óptica da Universidae de Vigo Humberto Michenel explícanos os nóbeles de física e química 2014.

[audio:http://blogs.crtvg.es/efervesciencia/wp-content/uploads/2014/10/Nóbeles-michenel-def.mp3]

Nóbeles de física e química por H. Michenel

:

E velaquí tes o programa empaquetado completo, listo para compartir e escoitar.

[audio:http://blogs.crtvg.es/efervesciencia/wp-content/uploads/2014/10/efer-297-12-10-14.mp3]

efer 297 (12-10-14)

Efer 236 (9-3-13): Para que serven as aves?

Mar

20

2013

Eu, poeta /popular, provinciano, paxareiro

fun polo mundo buscando a vida /paxaro a paxaro coñecín a terra

Pablo Neruda

Garceta na Ría do Burgo (Foto: Xacobo de Toro Cacharrón)

Mil e unha historias, paxaros, paxareiros e paisaxes. Todo isto e mais é o libro “¿Para qué siven las aves?” (Tundra, 2012) de Antonio Sandoval. Un libro delicioso no que ao longo das súas páxinas, mentres o autor recorre a costa da Coruña e a súa propia historia como ornitólogo, nos imos namorando – case sen decatarnos – das aves e do patrimonio natural. Unímonos aos merecidos eloxios que esta obra está a recibir.

[audio:http://blogs.crtvg.es/efervesciencia/wp-content/uploads/2013/03/entre-SANDOVAL-def.mp3]

Entrevista a Sandoval

A nova desta semana ilústranos como a investigación científica dá respostas prácticas e simples a problemas reais. Problemas reais como por exemplo a preocupación dos armadores de pesca do porto de Vigo de como alongar a vida útil en bodega do peixe capturado no Gran Sol. Cóntanolo Santiago Aubourg, profesor de investigación no Instituto de Investigacións Mariñas – CSIC de Vigo.

[audio:http://blogs.crtvg.es/efervesciencia/wp-content/uploads/2013/03/entre-santiago-aubourg.mp3]

Entrevista Santiago Aubourg

Jorge Mira, A. J. Leggett e Manuel Vázquez Ramallo (Foto USC)

Esta semana tivo lugar en Compostela a inauguración da VII edición do Programa ConCiencia promovido pola USC e o Consorcio da Cidade co financiamento da FECYT.

Coa presenza do nobel de física Anthony James Leggett son xa 30 os galardoados con este premio que visitaron Santiago ó abeiro do programa de divulgación ConCiencia que dirixe o catedrático de electromagnetismo Jorge Mira.

[audio:http://blogs.crtvg.es/efervesciencia/wp-content/uploads/2013/03/Legget-1.mp3]

Legget 1

[audio:http://blogs.crtvg.es/efervesciencia/wp-content/uploads/2013/03/Legget-2.mp3]

Legget 2

[audio:http://blogs.crtvg.es/efervesciencia/wp-content/uploads/2013/03/Legget-3.mp3]

Legget 3

Complementa esta edición efevescente unha nova postal planetaria de Borja Tosar dedicada ao sexo no espazo. Velaquí podes escoitar o programa íntegro:

[audio:http://blogs.crtvg.es/efervesciencia/wp-content/uploads/2013/03/efer-236-9-3-13.mp3]

Descargar programa 236 completo