neurociencia ← Efervesciencia ← Page 3

Percepción extracorpórea en directo

Out

19

2012

No programa 220 conversamos con Casto Rivadulla de NeuroCOM entre outras cousas de como a realidade virtual pode ser unha ferramenta útil para a neurorrehabilitación en doentes de párkinson. E nestas paroladas saíu a idea de que é moi doado facer unha experiencia de realidade virtual “analóxica”. Para iso so se precisa dun par de pinceis e unha “man de goma” (así é como se coñece este experimento) ou doutro material. Casualidade das casualidades nos tiñamos no programa en directo unha man que fabricamos enchendo de pasta de modelaxe unha luva das de lavar a louza.

O noso coello de indias foi Ricardo Cao, vicerreitor de Investigación da Universidade da Coruña. Trátase de que o suxeito so vexa a man de goma mentres o pincel toca simultaneamente a man real e man inerte.

Ricardo Cao experimentando o efecto da "man de goma"

En poucos segundos síntese a man de plástico como propia. Toda unha experiencia extracorpórea coa que se pode triunfar en todo tipo de encontro entre amigos.

Un final inesperado para experimento da man de goma (ilustración Javier Zarracina, www.boston.com)

[audio:http://blogs.crtvg.es/efervesciencia/wp-content/uploads/2012/10/Neurocom-man-de-plástico.mp3]

Descarga o audio do experimento da man de goma

Programa 220 (13-10-12): A UDC e a empresa

Out

17

2012

Coñecer e non actuar, aínda non é coñecer

Wang Yang-Ming

Exposición "A Universidade coa empresa"

Exoesqueletos, realidade virtual contra o párkinson, sistemas de lecto-escritura para nenos con dificultades de aprendizaxe… estas son algunhas das investigacións realizadas polos grupos da Universidade da Coruña. Durante todo este mes a UDC amosa no ciclo “A universidade coa empresa” todas as súas sinerxías e potencialidades co mundo empresarial. Para coñecer “in situ” esta iniciativa emitimos Efervesciencia desde a sede da Fundación Barrié na Coruña, a moi poucos metros dunhas ducias de monólitos chantados ao carón do Obelisco.

Con Ricardo Cao, Javier Cuadrado, Óscar López e Silvia López

Acompañáronnos neste programa especial Javier Cuadrado (Laboratorio de Enxeñería Mecánica), Óscar López (Bilega), Silvia López ( Grupo de “Prevención e intervención nas dificultades de aprendizaxe dos nenos desde a escola e a familia“), Casto Rivadulla (NeuroCOM), Juan Luis Montero Fenollós (Proxecto Arqueolóxico Medio Éufrates Sirio) e Ricardo Cao (Vicerreitor de Investigación e Transferencia da UDC). Este último viviu unha curiosa experiencia extracorpórea en directo.

Por outro lado, Eva Rodríguez de SINC presentounos á investigadora da Unidade de Toxicoloxía da UDC Blanca Laffon. Este grupo ven de publicar no Journal of Toxicology and Environmental Health un estudio no que someten a ratas as vapores do fuel do Prestige. O resultado: danos no ADN e no sistema respiratorio semellantes aos que se supoñían en humanos, e que son comparables aos que presentan as persoas que vive en cidades moi contaminadadas.

[audio:http://blogs.crtvg.es/efervesciencia/wp-content/uploads/2012/10/SINC-Laffon-Prestige-1.mp3]

SINC Blanca Laffon

Velaquí o programa completo:

[audio:http://blogs.crtvg.es/efervesciencia/wp-content/uploads/2012/10/Efer-220-13-10-121.mp3]

Descargar programa enteiro

Programa 219 (29-9-12): Homo Neurogastronomis

Out

3

2012

Para non sentir o horrible paso do tempo que nos rompe os lombos e nos fai inclinar cara a terra, hai que embriagarse sen descanso. Pero embriagarse ¿de que? De viño, de poesía ou de virtude, ao voso gusto. Pero embriáguense.

Charles Baudelaire (vista en “Paladear con el cerebro”)

Iniciamos a sexta tempada de Efervesciencia falando co investigador Ramón y Cajal da Universidade de Vigo Ramón Álvarez Puebla que vén de publicar en Nature Materials. O equipo do Grupo de Química de Coloides da a coñecer neste artigo un sensor do antíxeno específico da próstata (PSA) mil millóns de veces mais sensible que o método standart actual. O incrible é que abren un novo concepto de nanodetectores que funcionan mellor canto más ultradiluída estea a substancia a buscar.

[audio:http://blogs.crtvg.es/efervesciencia/wp-content/uploads/2012/10/entre-Ramon-Alvarez.mp3]

Entrevista a Ramón Álvarez

Portada de Nature Material co investigación da Universidade de Vigo

Neste 2012 celebramos en España o ano da Neurociencia. Se unha cosa temos aprendido dos bos investigadores e divulgadores de grupo NEUROcom (Neurociencia e control motor) da Universidade da Coruña é que nin vemos cos ollos nin oímos coas orellas, senón que é o cerebro quen fai todas estas cousas. Nesta liña ven da saír do prelo o libro de Javier Cudeiro “Paladear con el cerebro” (Ed. Catarata). O catedrático de fisioloxía humana da UDC demostra nesta obra que a intersección entre neurociencia e gastronomía está chea contidos saborosos e científicos por partes iguais. Será por iso polo que nesta entrevista fixemos interaccionar a Cudeiro con Flavio Morganti, o cociñeiro do Restaurante Galileo en Pereiro de Aguiar (Ourense) e creador do Aromaroma. Unha maridaxe perfecta. Escoiten e gusten!

[audio:http://blogs.crtvg.es/efervesciencia/wp-content/uploads/2012/10/Entre-Javier-Cudeiro-e-Flavio-Morganti-web.mp3]

Entrevista a Javier Cudeiro

Temos un exemplar de “Paladear co cerebro” asinado por Javier Cudeiro. Se queres facerte con el contanos no noso Facebook cal foi a túa mellor experiencia “neurogastronómica”.

Paladear con el cerebro

Completamos esta edición efervescente falando do chocolate e empregándoo para medir a velocidade da luz.

[audio:http://blogs.crtvg.es/efervesciencia/wp-content/uploads/2012/10/Efervesciencia-29-09-121.mp3]

Descargar programa completo

Programa 207 (12-5-12): Maxia e ciencia na Illa do Pensamento

Mai

12

2012

Calquera maxia abondosamente analizada é indistinguible da ciencia

Agatha Heterodyne en “Girl Genius” de Phil e Kaja Flogio (visto en “Los engaños de la mente”)

O grupo de Inmunoloxía e Xenómica do Instituto de Investigacións Mariñas do Consello Superior de Investigacións Científicas (IIM-CSIC) ven de publicar en PLoS One un estudo sobre a ameixa xaponesa, onde identifican novos xenes cos que este bivalvo se defende das infeccións.

[audio:http://blogs.crtvg.es/efervesciencia/wp-content/uploads/2012/05/Entre-Beatriz-Novoa.mp3]

Entrevista a Beatriz Novoa

Esta semana collemos un barco e chantamos o laboratorio móbil de Efervesciencia na Illa do Pensamento, na Illa de San Simón. Asistimos á clausura do Neuromagic 2012 e interacionamos con neurocientíficos e magos aínda a costa de ver como Apollo Robbins nos roubababa o reloxio. Tívemos a sorte de poder conversar con Susana Martínez Conde, Luis Miguel Martínez, Kiko Pastur, Apollo Robbins e Amir Raz.

Se despois de escoitar integramente estas entrevistas queres comprobar os nosos poderes como mentalistas so tes que premer aquí.

[audio:http://blogs.crtvg.es/efervesciencia/wp-content/uploads/2012/05/Entre-Neuromagic-2012.mp3]

Neuromagic 2012

Con Apollo Robbins e Luís Martínez na Illa de San Simón

Nesta edición tamén tivemos un capítulo do Circo de Bacterias, ademáis da ocación de agasallar co marabilloso libro de Susana Martínez Conde e Stephen Mackinik “Los engaños de la mente” (Ed. Destino) a unha das nosas oíntes mais precoces.

[audio:http://blogs.crtvg.es/efervesciencia/wp-content/uploads/2012/05/Efer-207-12-5-12.mp3]

Descargar programa completo