MUNCYT ← Efervesciencia

Efer 379 (8-1-17): Testemuñas climáticas

Xan

2017

unnamed

Marta Pérez, do grupo Ciencia do Sistema Terra da USC, pescuda en lagos e turbeiras de todo o mundo a presenza de mercurio. No Lago Hambre da Patagonia estudou a produtividade de algas verdes e diatomeas e atopou que son bos indicadores do clima do hemisferio sur no Holoceno. Estes rexistros coinciden coa información que achegan as testemuñas de mercurio e as datacións cosmoxénicas.

As proteínas delatan ao anisake

Conversamos con Mónica Carrera, investigadora do IIM-CSIC no grupo de Química de produtos mariños, e membro do equipo que ven de ser distinguido co Premio de Investigación Erenesto Vietez 2016 da Real Academia Galega de Ciencias (RAGC) polo seu método de detección rápida de anisake.

Vera Rubin e a materia escura [Postal planetaria]

Postal Planetaria con Borja Tosar na que homenaxeamos á cosmóloga Vera Rubin que nos abriu os ollos ao 25% do universo conformado pola materia escura. Malia transcendencia do seu achado Vera non chegou a gañar o premio Nobel. Lisa Randall explicou os motivos no New York Times.

Ilustraciencia no MUNCYT

O MUNCYT da Coruña acolle ata finais de febreiro a exposición da cuarta edición de Illustraciencia, o premio internacional de ilustración científica. Conversamos co seu coordinador, Miquel Baidal.

Programa 205 (28-4-12): O MUNCYT ábrese á sociedade

Mai

2012

Se vas atrás dos cartos, o diñeiro fuxirá de ti, pero se vas atrás da excelencia serán o cartos os que te persigan

Eiichi Negishi

A semana pasada estivo en Santiago invitado polo programa Conciencia o nobel de química 2010 Eiichi Negishi. Preguntado na rolda de prensa por qué non patentou a súa reacción catalítica, contestou con ironía que “prefiro gañar o premio nobel a chegar a rico”.

O vindeiro venres 4 de maio terá lugar a inauguración oficial da sede central do MUNCYT na Coruña. Conversamos co seu director, Ramón Núñez, para coñecer as “tripas” do novo museo. Ramón Nuñez acompañounos nos fitos de Efervesciencia, no programa 1, no 100 e agora neste.

[audio:http://blogs.crtvg.es/efervesciencia/wp-content/uploads/2012/04/Entrevista-Moncho-Núñez-28-4-12.mp3]

Entrevista a Moncho Núñez

Vimos de coñecer os gañadores de Inspiraciencia, o concurso de relatos de inspiración científica que organiza o Consello Superior de Investigacións Científicas (CSIC) e que nesta súa segunda convocatoria admitiu como novidade obras en galego. Trátase dunha iniciativa da Unidade de Cultura Científica da Delegación do CSIC en Cataluña e do Instituto de Ciencia de Materiais de Barcelona, que conta co patrocinio da Fundación Española para a Ciencia e a Tecnoloxía, FECYT.

Na categoría de relatos curtos en lingua galega o gañador foi Martín Pérez coa obra “Crecer”, e en microrelatos alzouse co premio Henrique Neira. Estas son as súas impresións.

[audio:http://blogs.crtvg.es/efervesciencia/wp-content/uploads/2012/05/Entre-Martín-Pérez-e-Henrique-Neira-Inspiraciencia.mp3|titles=Entrevista a Martín Pérez e Henrique Neira ]

Descargar entrevista a Martín Pérez e Henrique Neira

Velaquí podes escoitar a nosa versión de “Crecer” de Martín Pérez

Crecer [audio:http://blogs.crtvg.es/efervesciencia/wp-content/uploads/2012/05/Crecer-1-de-Martín-Pérez.mp3|titles=Crecer 1 de Martín Pérez]

“Crecer” parte I

Nacer, crecer[audio:http://blogs.crtvg.es/efervesciencia/wp-content/uploads/2012/05/Crecer-2-de-Martín-Pérez.mp3|titles=Crecer 2 de Martín Pérez]

“Crecer” parte II

Nacer, crecer,reproducirse[audio:http://blogs.crtvg.es/efervesciencia/wp-content/uploads/2012/05/Crecer-3-de-Martín-Pérez.mp3|titles=Crecer 3 de Martín Pérez]

“Crecer” parte III

Nacer, crecer, reproducirse e morrer [audio:http://blogs.crtvg.es/efervesciencia/wp-content/uploads/2012/05/Crecer-4-de-Martín-Pérez.mp3|titles=Crecer 4 de Martín Pérez]

“Crecer” parte IV

O microrelato de Henrique Neira pódelo escoitar aquí.

Para escoitar este programa completo:

[audio:http://blogs.crtvg.es/efervesciencia/wp-content/uploads/2012/05/Efer-205-28-4-12.mp3]

Descarga o programa 205 enteiro