Efer 366 (14-10-16): Tres nóbeles e unha medalla Fields

 

As matemáticas son arte de dar o mesmo nome a cousas diferentes (Poincaré)

O actual director do instituto Poincare é o matemático Cedric Villani que estivo esta semana en Compostela invitado polo programa Conciencia que dirixe Jorge Mira. Quizais o mais fascinante dos traballos de Cedric Villani sexa descubrir como o estudo de fenómenos físicos ideais logo teñen aplicacións en campos dispares e alonxados como é o caso da economía.

 

Debullamos os nóbeles de ciencia 2016 cos mellores especialistas

1. Ana Mª Cuervo é unha investigadora de referencia en autofaxia no Albert Einstein College of Medicine de Nova Iorque. Ela explícanos o nobel concedido a Yoshinori Ohsumi.

 

2. Certos estados da materia conducen a electricidade non en función da súa estrutura ou composición senón a súas propiedades matemáticas como o número de buratos que presentan. Joaquín Fernández Rossier, director do proxecto de “Spintrónica do Grafeno” do Laboratorio Ibérico de Nanotecloxía (INL), preséntanos o nóbel de física que se lle concedeu a Thouless, Haldane e Kosterlitz.

 

3. A nosa colaboradora e profesora de química da USC Rosa Pedrido debúllanos o premio nobel de química 2016 concedido a Stoddart, Sauvage e Feringa polo desenvolvemento das máquinas moleculares.

 

O oso cavernario sempre volve á cova de mamá

Con Eva Rodríguez de SINC conversamos con Gloria Fernández Fortes da Universidade de Ferrara. A súas investigacións xenéticas veñen de descubrir a fidelidade dos extintos osos cavernarios ás súas covas natais.

Efer 326 (3-5-15): Como dividir un xeado matematicamente

As persoas maiores aman as cifras. Cando lle falades dun novo amigo nunca preguntan como é o son da súa voz nin cales son os seus xogos favoritos ou se coleccionan bolboretas.

Saint-Exupéry

Julio, César e Manuel

Serían mais representativos os resultados electorais nun proceso electoral no que se fosen coñecendo cada 10 minutos en tempo real os resultados parciais da votación? Conversamos sobre esta idea  e tamén de teoría de xogos, optimización, xadrez, como dividir un xeado matematicamente ,… con Julio González Díaz.

Julio González vén de rematar o seu contrato de investigador Ramón y Cajal na Universidade de Santiago no departamento de Estatística e Investigacións de Operacións. A investigación de operacións é unha rama das matemáticas que ten a súa orixe nas operacións militares da II Guerra Mundial. Os traballos actuais de optimización do noso invitado axudan, por exemplo, a mellorar a rede de distribución de gas.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Entrevista Julio González Díaz

Á Avoa de Einstein lle soaba a cara de Julio, sería por este vídeo?

.

Educabarrié, a canle educativa da Fundación Barrié, apoia diferentes iniciativas de difusión da ciencia entre a comunidade escolar. Unha delas é o Campus de Verán Xuvenciencia 2015 que terá lugar do 21 ó 27 de xuño no Campus de Lugo da Universidade de Santiago. Falamos con Mercedes Novo coordinadora de Xuvenciencia e coa profesora de veterinaria Maribel Quiroga. O prazo de inscrición remata o 10 de maio.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Educabarrié Xuvenciencia

.

Completan este programa a Postal Planetaria das Esferas de Dyson e a primeira entrega da Rede Galega de Biomateriais. Velaquí tes o programa íntegro para escoitar, descargar, arquivar, compartir, agasallar,…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Efer 326 (3-5-15)

 

Efer 319 (15-3-15): Farois, eclipse e o roubo do meteorito

Foto Andrew.O CC BY-NC-ND 2.0

Iluminar menos é iluminar mellor

Hai xusto 100 anos as noites de lúa chea a compañía de gas de Santiago de Compostela non encendía os farois. Así queda reflectido na novela “La Casa de la Troya“. Hoxe en día iluminamos de mais, irregularmente, a deshora e apuntando onde non debemos. Cunhas luminarias ben deseñadas podes ver perfectamente e loitar contra a contaminación lumínica. Conversamos con Fernando Jáuregui presidente de Cel Fosc, a Asociación contra a Contaminación Luminica.

Se tes unha foto dun farol ou luminoso contaminante manda un chio co hastag #iluminados.

Eclipsados

Martin Pawley e Borja Tosar dánnos as claves para ver a eclipse  do 20 de marzo, que non o sol.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Entre Fernando Jauregui e eclipse

.

Intenta roubar un meteorito de 37 toneladas e di que pasaba por aí

O documental “El color que cayó del cielo” de Sergio Wolf conta a historia de “El Campo del Cielo”, unha rexión do Chaco arxentino onde hai 4000 anos impactou unha chuvia de meteoritos. Wolf construye un relato de fascinación por estas rochas extraterrestres onde se contrapoñen o estudoso Willian Cassidy e maior traficante de meteoritos, Robert Haag.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Entrevista a Sergio Wolf

.

Cando un deixa de ser curioso empeza a morrer

La habitación de Fermat” é unha intriga matemática que levaron ao cine Rodrigo Sopeña e Luis Piedrahita. Con esta escusa descubrimos as inquedanzas científicas do mago, humorista e moitas couas mais, Luis Piedrahita.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


Entrevista  Piedrahita

.

Este é o programa completo para escoitar, coleccionar, compartir, agasallar, descargar,…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Efer 319 (15-3-15)

 

Arquivo histórico: María Wonenburger

En 2007 tivemos o honor de que a matemática María Josefa Wonenburger Planells se achegase aos nosos micros para contarnos a súa apaixoante vida.

A profesora de álxebra da UDC María José Souto Salorio vén de publicar unha reseña da traxectoria de María Wonenburger en mujeresconciencia.com, o novo proxecto da Cátedra de Cultura Científica da UPV/EHU que convén non perder de vista.

Aproveitamos esta circunstancia para recuperar dos nosos arquivos sonoros a entrevista mais entrañable de Efervesciencia.

Entrevista a María Wonenburger

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Actualización 18-6-14: O 14 de xuño pasado finou María Wonenburger. Nunca esqueceremos o marabilloso trato que nos deu, mesmo nos abriu literalmente as portas da súa casa para preparar a entrevista que lle fixemos en 2007.

Social Widgets powered by AB-WebLog.com.