Abr
14
2013
Nesta ocasión temos na pista central do “Circo de Bacterias” de Esteban Fernando Moreira ao lévedo da cervexa. Pero resulta que este ser unicelular sometido a selección artificial pode convertirse facilmente nun orgnismo pluricelular…
[audio:http://blogs.crtvg.es/efervesciencia/wp-content/uploads/2013/04/circo-bacterias-multicelularidade-def.mp3|titles=circo bacterias multicelularidade def]Descargar Circo de Bacterias multicelularidade
Mar
21
2013
Toda frase breve acerca da economía é intrinsecamente falsa
Alfred Marshall
Vivenda bioclimatica de Sotavento (Ilustración Sotavento)
O desafío do cambio climático precisa de achegas desde todos os campos do saber, tanto desde as evidencias científicas, os avances tecnolóxicos, ou desde o eido da economía. Xavier Labandeira é catedrático de economía da Universidade de Vigo, especialista en economía enerxética e ambiental, e co-director Economics for Energy. Desde este grupo de investigación privado teñen estimado que no horizonte do 2030 se podería chegar a aforrar en España ata un 40% da factura enerxética. Pra iso sería deberíase levar a cabo medidas de eficiencia e aforro enerxético que suporían un custe neto practicamente neutro. Entre estas medidas propoñen a creación dun imposto temporal sobre os edificios ineficientes que incentivase as reformas dos mesmos.
[audio:http://blogs.crtvg.es/efervesciencia/wp-content/uploads/2013/03/entre-xavier-lavandeira-def.mp3]Entrevista a Xavier Labandeira
Proxecto Faros
Rosa Pedrido traenos a empresa innovadora con sede en Vigo Marexi Marine Technology. O seu director Joaquín Gracia preséntanos algúns dos seus proxectos, como o sistema de eliminación de anisakis a bordo, ou a súa participación no proxecto europeo FAROS de reducción e valorización de descartes.
[audio:http://blogs.crtvg.es/efervesciencia/wp-content/uploads/2013/03/Innovando-marexi-def.mp3]
Foto tomada por Wicho antes de empezar a súa colaboración nos estudios da Coruña
Wicherías: Dícese das colaboracións do microsiervo Wicho en Efervesciencia nas que fala dos temas mais diversos. Como por exemplo as naves de avituallamento da ISS, os avances da Curiosity en Marte ou a irrupciñon das impresoras 3D.
[audio:http://blogs.crtvg.es/efervesciencia/wp-content/uploads/2013/03/WICHERIAS-impresora-def.mp3]
Completan esta edición de Efervesciencia un Circo de Bacterias dedicado a uns intrigantes experimentos co lévedo da cervexa. Velaquí podes escoitar o programa íntegro:
[audio:http://blogs.crtvg.es/efervesciencia/wp-content/uploads/2013/03/efer-237-16-3-13.mp3]
Nov
14
2012
Se lle explicas a un camareiro o que estas a facer como científico e non o entende, o pobre non é o camareiro, senón o que estas facendo
Ernst Rutherford
Terremoto de 2009 na L`Aquila
A madrugada do 6 de abril de 2009 un terremoto de magnitude 6,3 destruía a cidade italiana de L´Aquila e deixaba mais de 300 mortos. O pasado luns un tribunal condenaba a 6 anos de cárcere a 6 expertos da Comisión Nacional para a Previsión e Prevención de Riscos Maiores, e ao portavoz de protección civil nesa comisión. Unha sentenza que semella difícil de entender, pero que esta relacionada coa comunicación dos riscos. O fiscal demostrou que 29 dos mortos expresaran a súa intención de fuxir de L´Aquila pero que non o fixeron polas mensaxes tranquilizadoras dos expertos transmitidos pola televisión. Para debullar este asunto contamos con Francisco Anguita, un recoñecido xeólogo e mestre de xeólogos, actualmente xubilado, da Universidade Complutense de Madrid.
[audio:http://blogs.crtvg.es/efervesciencia/wp-content/uploads/2012/11/Entre-Anguita-L-aquila.mp3]
Entrevista a Francisco Anguita
Carmen Martínez na Radio Galega
Cando se vende unha botella de viño, por exemplo de albariño, estase a vender algo mais que o líquido do seu interior. Un viño pode ser imitado, toda a cultura que o arroupa non. Isto ben o sabe Carmen Martínez, directora do grupo de viticultura da Misión Biolóxica de Galicia – CSIC. Carmen ten traballado como unha “arqueóloga” da vide pescudando clons centenarios anteriores á filoxera con características excepcionais. Ten clasificado variedades por toda Galicia e Asturias, e patentado lévedos para industria vitivinícola. Tamén conversamos con Emilio Rodríguez Canas, director técnico das bodegas Terras Gauda que veñen de por en marcha un proxecto de cultura científica en torno ao viño en colaboración co CSIC.
[audio:http://blogs.crtvg.es/efervesciencia/wp-content/uploads/2012/11/Entre-Carmen-Martínez.mp3]
Entrevista de Edelstein a Higgs publicada en La Tercera El Semanal
José Edelstein, profesor do departamento de Física de Partículas da USC, ven de gañar na categoria de prensa escrita o II Certame FECYT de Comunicación Científica. En “Antimateria, Magia y Poesía” Edelstein relata como a pescuda da beleza – matemática – leva a Paul Dirac a predecir unha partícula inesperada. Unha historia que ten moitos paralelismos coa de Peter Higgs. Edelstein aproveita para contarnos como foi a entrañable entrevista que tivo en Edimburgo co pai do – agora – bosón mais popular.
[audio:http://blogs.crtvg.es/efervesciencia/wp-content/uploads/2012/11/fecyt-edelstein1.mp3|titles=Entrevista Edelstein]
Autorretrato de Curiosity (Fonte NASA)
Un dos laboratorios químicos mais sofisticados está a varias ducias de millóns de quilómetros da terra. Grazas a Wicho coñecemos que pinta Curiosity en Marte.
[audio:http://blogs.crtvg.es/efervesciencia/wp-content/uploads/2012/11/wicho-curiosity.mp3][audio:http://blogs.crtvg.es/efervesciencia/wp-content/uploads/2012/11/Efer-222-27-10-12.mp3]
