Abr
14
2013
Nova entrega da Guía do Ceo cos nosos estreleiros Irene Baspino e Martin Pawley. Coa participación especial de Óscar Blanco e os seus consellos para facer as nosas primeiras astrofotos (aquí a primeira entrega). Agardamos as vosas fotos do ceo no noso facebook.
[audio:http://blogs.crtvg.es/efervesciencia/wp-content/uploads/2013/04/GUIA-CEO-ABRIL-13-def.mp3]
Foto Óscar Blanco
Abr
14
2013
Cantas veces teño que dicirlle Watson que unha vez que teñas eliminado o imposible, o que queda, por improbable que pareza, debe ser a verdade
“O signo dos catro” A. C. Doyle
Luis Muíño é psicólogo e excelente divulgador en multitude de medios de comunicación. Aproveitando a súa visita a Santiago para participar en EEEP-Compostela, Muíño acompañounos nos nosos estudios e explicounos por que os humanos non adoitamos a ser todo o racionais que pensamos a priori.
[audio:http://blogs.crtvg.es/efervesciencia/wp-content/uploads/2013/04/Entre-Luis-Muiño-def.mp3]
h
El mal del cerebro” é un apaixoante documental eloxiado pola revista Lancet que nos conta múltiples historias de cando o cerebro falla e que pode facer a ciencia nestes casos. Conversamos co seu creador, Antonio Martínez Ron.
[audio:http://blogs.crtvg.es/efervesciencia/wp-content/uploads/2013/04/entre-mal-cerebro-def.mp3]Entrevista El mal del cerebrom
Completa esta edición efervescente a Guía do Ceo de abril. Velaquí podes escoitar e descargar o programa completo.
[audio:http://blogs.crtvg.es/efervesciencia/wp-content/uploads/2013/04/Efer-239-30-3-13.mp3]
Mar
1
2013
O cometa PANSTARRS fotografado polo astrónomo amateur Terry Lovejoy en Australia
Nesta edición da Guía do Ceo, ademais de falar do cometa Panstarr, contamos como invitado especial a Óscar Blanco que nos conta como iniciarse na astrofotografía. Cos trucos de Óscar anímate a mandar a túa primeira foto do ceo ao noso facebook, a mellor foto levará un agasallo efervescente.
[audio:http://blogs.crtvg.es/efervesciencia/wp-content/uploads/2013/03/guía-do-ceo-febreiro-13.mp3]
Velaquí amosamos algúns magníficos exemplos de traballos de Óscar Blanco:
Localización Australia (Óscar Blanco)
Localización Australia (Óscar Blanco)
Localización Guitiriz (Óscar Blanco)
Localización A Veiga (Óscar Blanco)
Localización A Veiga (Óscar Blanco)
Localización A Viega, Vïa Láctea e meteoro (Óscar Blanco)
Nov
9
2012
Se un artesán estivese certo de soñar por espazo de 12 horas que é rei, coido que sería case tan feliz coma un rei que soñase 12 horas que é artesán
Blaise Pascal
Speleonectes atlantida (Foto Ulrike Strecker, www.naturalanza.com)
Coa maxia da radio convertémonos por uns minutos en espeleólogos submarinos no túnel da Atlántida acompañados polo biólogo mariño Alejandro Martínez. Alejandro e o seu equipo penetran en covas virxes asolagadas para recoller miñocas e outros bichos, seres incribles que pasarían todos os castings nunha película de ciencia ficción. Na Universidade de Copenhague este investigador galego-canario analiza xeneticamente as súas mostras para reconstruír a historia evolutiva de tan fascinantes animais.
Entrevista a Alejandro Martínez
[audio:http://blogs.crtvg.es/efervesciencia/wp-content/uploads/2012/10/Entre-Alejandro-Martinez-def1.mp3]
Alejandro Martínez (dereita) cun espeleomergullador do seu equipo
A nova da semana lévanos ó museo Cosmo Caixa de Madrid onde a fin de semana pasada celebrouse a final da XII edición do Concurso “Ciencia en Acción”. Neste concurso para escolares e divulgadores de España, Portugal e Iberoamérica o IES de Ames mereceu unha mención de honor na modalidade “Adopta unha estrela: fala de astronomía” co traballo pluridisciplinar “Co A de Ames, co A de astronomía e co A de ágora”.
E non foi este o único recoñecemento galego neste certame. As escolas infantís municipais coruñesas Carricanta, Os Cativos e Monte Alto, xunto co Centro Integrado de FP Anxel Casal, tamén da Coruña veñen de gañar o “Ciencia en acción” na modalidade de Ciencia e Tecnoloxía. Conversamos con Montse Sancho.
[audio:http://blogs.crtvg.es/efervesciencia/wp-content/uploads/2012/10/Intro-MONTSE-SANCHO.mp3]
[youtube sPjv1uFwgtI?]
O importante das viaxes moitas veces non é chegar ó destino, senón a viaxe en si. Iso ben o saben os nosos estreleiros, Óscar Sánchez e Irene Baspino, o importante non é saber moito de todo o ceo nocturno, senón gozar da paisaxe, da compañía, do que cada quen vai descubrindo cada noite. Nesta guía do ceo do mes de outubro-novembro falamos de Alfa Centauri Bb , das oriónidas e leónidas e de como se presenta a tempada astronómica, xa que no 2013 teremos un par de cometas interesantes. Tamén comentamos a recontrución da traxectoria do bólido diurno que cruzou os ceo galegos o pasado 9 de agosto ás 21:37 que fixeron os investigadores Ángel Docobo e Pedro Campo do Observatorio Astronómico Ramón María Aller da USC.
[audio:http://blogs.crtvg.es/efervesciencia/wp-content/uploads/2012/10/guía-do-ceo-outubro-12-def1.mp3]
Guía do Ceo de Outubro-novembro
Simulación do momento no que o bólido parte en dous (Fonte USC)