experimento ← Efervesciencia

Efer 317 (1-3-15): Se non crece, saiu da mina

Mar

1

2015

Minas de Touro (Foto Borja Tosar)

Unha profesión pouco coñecida é a de enxeñeiro de minas. Seguro que levas algunha sorpresa ao coñecer o que fan estes enxeñeiros. Conversamos con Benito Vázquez, director da Escola Técnica Superior de Enxeñaría de Minas da Universidade de Vigo.

Un dos intereses de Vázquez é que o ensino das ciencias sexa mais práctico e manipulativo. Proba disto é o proxecto de innovación educativa Clickonphysics. Deste xeito proponnos un experimento caseiro: Comprobar as leis de newton lanzando un ovo contra unha saba con todas as nosas forzas. Colga no noso facebook o teu vídeo antes do 7 de abril e participarás no sorteo dun libro de divulgación científica.

Entrevista a Benito Vázquez

[audio:http://blogs.crtvg.es/efervesciencia/wp-content/uploads/2015/03/Entrevista-Benito-Vázquez-def.mp3]

.”En

En “Agora si Portugal” o polifacético divulgador David Marçal preséntanos o seu libro de peto “Pseudociencia“. Esta é unha sección que facemos en colaboración coa asociación Viver a Ciencia.

Agora si Portugal Pseudociencia

[audio:http://blogs.crtvg.es/efervesciencia/wp-content/uploads/2015/03/Agora-si-Portugal-pseudociencia.mp3]

.

Resetea é un empresa innovadora que comercializa un kit de autocultivo de setas sobre pousos de café. Este é o seu primeiro proxecto, pero queren ir mais alá.

Innovando Resetea

[audio:http://blogs.crtvg.es/efervesciencia/wp-content/uploads/2015/03/Innovando-Resetea-def.mp3]

Luisa Martínez da Unidade de Cultura Científica do CSIC-Galicia preséntanos as actividades que van desenvolver no XVI Salón do Libro Infantil e xuvenil de Pontevedra.

[audio:http://blogs.crtvg.es/efervesciencia/wp-content/uploads/2015/03/Salón-do-libro-15-CSIC-def.mp3]

Salón do libro 15 CSIC

.

Descarga, escoita e comparte nas redes o programa íntegro

[audio:http://blogs.crtvg.es/efervesciencia/wp-content/uploads/2015/03/Efer-317-1-3-15.mp3]

Efer 317 (1-3-15)

Experimenta co teu electróforo

Xul

2

2013

Electróforo de Volta do Seminario de Mondoñedo ca. 1885 (Foto "A noite está varrida da terra" Consello da Cultura Galega)

Desta volta David Ballesteros proponnos xogar coa electricidade construíndo un electróforo con cartón, papel de aluminio e un vaso de plástico. Para cargalo cómpre que fretes con lá un plástico, que pouses o electróforo sobre o plástico e toques un segundo cun dedo o electróforo. Logo debes manexar o aparello polo vaso de plástico. Lembra que o aparello carga mellor os días secos.

Mándanos unha foto (ou vídeo) do teu experimento antes do ~~12 de xuño~~ 5 de xullo ao noso facebook. A mellor achega gañará un agasallo efervescente.

[audio:http://blogs.crtvg.es/efervesciencia/wp-content/uploads/2013/07/BALLESTEROS-ELECTROFORO-DEF.mp3]

Contrución electróforo

Percepción extracorpórea en directo

Out

19

2012

No programa 220 conversamos con Casto Rivadulla de NeuroCOM entre outras cousas de como a realidade virtual pode ser unha ferramenta útil para a neurorrehabilitación en doentes de párkinson. E nestas paroladas saíu a idea de que é moi doado facer unha experiencia de realidade virtual “analóxica”. Para iso so se precisa dun par de pinceis e unha “man de goma” (así é como se coñece este experimento) ou doutro material. Casualidade das casualidades nos tiñamos no programa en directo unha man que fabricamos enchendo de pasta de modelaxe unha luva das de lavar a louza.

O noso coello de indias foi Ricardo Cao, vicerreitor de Investigación da Universidade da Coruña. Trátase de que o suxeito so vexa a man de goma mentres o pincel toca simultaneamente a man real e man inerte.

Ricardo Cao experimentando o efecto da "man de goma"

En poucos segundos síntese a man de plástico como propia. Toda unha experiencia extracorpórea coa que se pode triunfar en todo tipo de encontro entre amigos.

Un final inesperado para experimento da man de goma (ilustración Javier Zarracina, www.boston.com)

[audio:http://blogs.crtvg.es/efervesciencia/wp-content/uploads/2012/10/Neurocom-man-de-plástico.mp3]

Descarga o audio do experimento da man de goma

Chocolate e velocidade da luz

Out

3

2012

Por que cando se nos funde unha tableta de chocolate logo non recupera a súa forma orixinal? Que queren dicir as etiquetas cando falan de porcentaxe da cacao? Como se elabora este manxar dos deuses? A estas preguntas dá resposta a nosa científica mais caseira, Bibiana García Visos.

[audio:http://blogs.crtvg.es/efervesciencia/wp-content/uploads/2012/10/Bibiana-chocolate-def1.mp3]

Chocolate en “Ciencia para andar por casa”

A David Ballesteros propuxémoslle un reto, facer un experimento co chocolate do que nos falou Bibiana. E el invitounos a medir a velocidade da luz con so tres elementos domésticos: unha tableta de chocolate, unha regra e un forno microondas.

[audio:http://blogs.crtvg.es/efervesciencia/wp-content/uploads/2012/10/Ballesteros-luz-microondas-chocolate-def1.mp3]

Medir a velocidade da luz con chocolate

Con esta fórmula obtemos a velocidade da luz en cm/s. Para tela en m/s só cómpre dividir esta cifra entre 100. Mándanos a túa medición da velocidade da luz cunha foto e comentario ao noso facebook, e poderás recibir un dos nosos agasallos.