evolución ← Efervesciencia

Efer 371 (13-11-16): Dentro dunha cámara escura

Nov

24

2016

Non mires con receo o meu ensino ó veres que cos ollos non podemos descubrilos principios das cousas: non entanto, é preciso que confeses que hai corpos que os ollos non perciben (Lucrecio, visto en “El ojo desnudo”)

Datos xenómicos seguros?

Os datos xenómicos son especialmente sensibles, e non so nos afectan a nós senón tamén aos nosos familiares. Poden acceder as aseguradoras a eles? Pódense traspasar? Están ben custodiados actualmente? Están seguros na nube? Conversamos coa avogada especializada en propiedade intelectual e protección de datos Ana Marzo. Tamén coñeceremos o proxecto europeo Witdom no que participa Gradiant.

Einstein antes ca Betty Boop: de como o cinema divulgou ciencia de vangarda

Na segunda entrega da sección de Ciencia e Cinema de Martin Pawley descubrimos os documentais en cine mudo sobre relatividade e evolución de Max Fleischer. Pequenas xoias que tamén nos ensinan os riscos de divulgar os últimos descubrimentos. O primeiro capítulo está aquí.

“El ojo desnudo” desde unha cámara escura

Antonio Martínez Ron presenta en Efervesciencia o seu libro “El ojo desnudo“. A conversa realizámola nun lugar secreto cheo de sorpresas que nos sirve para facer o concurso “Un libro, un autor, un lugar”. A solución está aquí.

Efer 327 (10-5-15): E este homínido de quen vén sendo?

Mai

13

2015

O home é o único animal que quere existir

Fernando Pessoa

A elaboración do noso álbum familiar como especie está moi animada. Os descubrimentos dos últimos anos abren suculentas discusións no eido da paleontropoloxía. Nesta edición tivemos o honor de poder manter unha longa conversa con María Martinón que é antropóloga dental no Centro Nacional de Investigación sobre a Evolución Humana. Martinón pertence ao equipo de escavación de Atapuerca, e con ela falamos de neandertais, do home de Denisova, dos inicios da solidariedade na nosa especie e outros aspectos actuais de evolución humana.

[audio:http://blogs.crtvg.es/efervesciencia/wp-content/uploads/2015/05/Entre-María-Martinon-2015-1.mp3]

Entrevista a María Martinón: Parte 1

[audio:http://blogs.crtvg.es/efervesciencia/wp-content/uploads/2015/05/Entre-María-Martinon-2015-2.mp3]

Entrevista a María Martinón: Parte 2

Esta é unha pregunta que lle fixemos a Martinón e que non puidemos incluír na emisión radiofónica por falta de tempo. Tras o amplo estudo en Science do equipo de Atapuerca en 2014 sobre as características neandertais dos fósiles da “Sima de los Huesos”, cómpre preguntarse que falla na asignación tradicional de Homo Heidelbergensis a estes espécimes.

[audio:http://blogs.crtvg.es/efervesciencia/wp-content/uploads/2015/05/Extra-Martinón-Mauer.mp3]

Pregunta extra a Martinón

María Martinón

.

Eva Rodríguez de SINC conversa con Joaquín Bedía do Instituto de Física de Cantabria. Veñen de publicar un traballo no que se estima que para 2075 ás áreas queimadas polos incendios hanse duplicar e mesmo triplicar na Península Ibérica atendendo ao cambio climático.

[audio:http://blogs.crtvg.es/efervesciencia/wp-content/uploads/2015/05/SINC-prospectiva-area-queimada-def.mp3]

SINC prospectiva areas queimadas 2075

.

Completa o programa a segunda entrega da Rede Galega de Biomateriais. Velaquí tes o programa íntegro, compárteo e dinos que che gusta.

[audio:http://blogs.crtvg.es/efervesciencia/wp-content/uploads/2015/05/EFERVESCIENCIA-10_05_15.mp3]

Efer 327 (10-5-15)

Efer 244 (11-5-13): Todos somos un chisco xitanos e viceversa

Xuñ

5

2013

As razas son puras invencións que sempre se utilizaron para clasificar arbitrariamente homes e mulleres en mellores e peores e deste xeito discriminar ós últimos

Rita Levi-Montalcine

David Comas coa nosa colaboradora Marta Vila nos estudios de A Coruña

Analizando o xenoma de diferentes poboacións humanas podemos aprender moito da súa historia. O grupo de David Comas, investigador do Instituto de Bioloxía Evolutiva do CSIC- UPF, ten estudiado ao pobo xitano desde este punto de vista. A xenética afina a orixe da maior minoría étnica de Europa, que está composta por máis persoas que a poboación de Grecia ou Portugal. Os datos indican en que porcentaxe as diferentes comunidades xitanas se teñen misturado coa poboación local na a súa migración desde o norte da India hai 1500 anos. Agora cómpre determinar canta compoñente xitana levamos os non xitanos.

[audio:http://blogs.crtvg.es/efervesciencia/wp-content/uploads/2013/06/entre-david-comas-def.mp3]

Descargar Entrevista a David Comas

.

As constelacións circumpolares están visibles todo ano. Nesta Guía do Ceo a protagonista é Draco, a constelación do Dragón. Os nosos estreleiro tamén aproveitan para presentar a Noite Efervescente.

[audio:http://blogs.crtvg.es/efervesciencia/wp-content/uploads/2013/06/GUIA-DO-CEO-MAIO-13-def.mp3]

Guía do Ceo de Maio

.

Nesta edición efervescente tamén presentamos aos gañadores do concurso Inspiraciencia na categoría de microrelatos en galego. Velaquí está programa íntegro:

[audio:http://blogs.crtvg.es/efervesciencia/wp-content/uploads/2013/06/efer-244-11-5-13.mp3|titles=efer 244 (11-5-13)]

Descargar Efer 244 (11-5-13)

Programa 132 (3-5-09): Seleccionados naturalmente

Mai

3

2009

A Sociedade Galega de Ornitoloxía celebra os seus primeiros 10 anos poñendo en marcha o Noticiario Ornitoxeográfico Galego, unha aplicación web que fará as delecias dos afeccionados aos paxaros.

Temos o pracer de conversar sobre Darwin e evolución humana con Juan Luis Arsuaga, premio Príncipe de Asturias de Investigación 1997 e co-director das excavacións de Atapuerca.

Non sabemos se hai moitos programas de radio que teñan de colaborador un microbiólogo. Nós contamos co investigador do Programa Parga Pondal Esteban Fernández Moreira. Ao fío da expansión da gripe A (H1N1) dedicamos o seu Circo de Bacterias a coñecer un pouco mellor aos seres autoreplicantes mais pequenos, os virus. Aquí podes ver unha animación que da unha boa idea do tamaño dos virus.

Estas semana en Santiago podes tomar un café con Carl Sagan e o seu fantástico Cosmos grazas a unha iniciativa da Universidade de Santiago.

Programa 132 (3-5-09)