Efer 292 (5-7-14): Cooperación e eficiencia enerxética

Como podemos explicar que as matemáticas, un produto da mente humana independente da experiencia, se adapten tan admirablemente ben ós obxectos da realidade?

Albert Einstein

Foto de JonyCunha (CC BY-SA 2.0)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Descargar SINC Anxo Sánchez Dilema do prisionero

Einstein non é o único gran científico sorprendido polo feito centos de veces constatado de que as abstraccións matemáticas moitas veces acaban tendo unha correspondencia co mundo real. Non deixa de ser abraiante que por exemplo o número φ, o número de ouro, se atope representado nunha folla de figueira, a cuncha dun náutilo ou mesmo  no rostro da Guioconda.

En Teoría de Xogos hai un problema clásico que se formulou nos anos 50 que é coñecido como o “dilema do prisioneiro“, e que nos seus inicios se empregou en estudos sobre unha posible guerra nuclear.

O dilema do prisioneiro pode enunciarse así: Imaxina que ti e un colega sodes detidos, acusados dun delito e pechados en celas incomunicadas. Nesta situación o fiscal ofrece o seguinte pacto:

– Se ti confesas e o teu colega non, ti quedas libre e a el cáenlle 10 anos.

– Se é ó revés, ti calas e o teu colega confesa, el queda libre e ti pasas 10 anos á sombra.

– Pero o quid da cuestión é, que se confesades os dous á vez, a pena imposta é de 6 anos de cadea, e se calades os dous so vos levades 1 ano.

O interesante deste problema é que a túa mellor resposta depende do que faga o teu compañeiro, cooperando minimizas danos, pero se o traizoas podes quedar libre se o teu compañeiro non fai o mesmo. Ti que farías?

Curiosamente este dilema matemático recorda moito ós grandes titulares de tribunais que estamos a ver na prensa estes días…

O estudo do “dilema do prisioneiro” segue proporcionando resultados interesantes, como os que vén de obter Anxo Sánchez sobre cooperación humana. Conversamos con Sánchez – Catedrático de Matemática Aplicada no Grupo Interdisciplinar de Sistemas Complexos da Universidade Carlos III – da man de Eva Rodríguez a raíz desta nova de SINC.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

VI Workshop Atlántico de Economia Enerxética

Co laboratorio portátil da Radio Galega desembarcamos no “VI Workshop de Enerxia e Economía Ambiental” que se celebrou na Toxa o mes de xullo organizado por Economic for Energy. Puidemos conversar con Pedro Linares, Andreas Löschel, Ibon Galarraga y Juan Pablo Moreno sobre probreza energética, eficiencia, políticas de los planes “renove”,…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Micro Barrié Proxectos Escolares

A covocatoria “Proxectos Escolares” é unha iniciativa da Fundación Barrié a través de Educabarrié para apoiar os mellores proxectos de innovación educativa que se levan a cabo nos centros escolares galegos. Un deles é “Ciencia Cidadá na escola” do IES David Buján de Cambre que coordina Xosé Viñas. A actual convocatoria está aberta ata o 14 de setembro de 2014.

E velaquí tes ao teu dispor o programa completo para escoitar, compartir, ou levar posto.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Descargar Efer 292 (5-7-14)

 

Efer 237 (16-3-13): Economía ambiental

Toda frase breve acerca da economía é intrinsecamente falsa

Alfred Marshall

 

Vivenda bioclimatica de Sotavento (Ilustración Sotavento)

O desafío do cambio climático precisa de achegas desde todos os campos do saber, tanto desde as evidencias científicas, os avances tecnolóxicos, ou desde o eido da economía. Xavier Labandeira é catedrático de economía da Universidade de Vigo, especialista en economía enerxética e ambiental, e co-director Economics for Energy. Desde este grupo de investigación privado teñen estimado que no horizonte do 2030 se podería chegar a aforrar en España ata un 40% da factura enerxética. Pra iso sería deberíase levar a cabo medidas de eficiencia e aforro enerxético que suporían un custe neto practicamente neutro. Entre estas medidas propoñen a creación dun imposto temporal sobre os edificios ineficientes que incentivase as reformas dos mesmos.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Entrevista a  Xavier Labandeira

 

Proxecto Faros

Rosa Pedrido traenos a empresa innovadora con sede en Vigo Marexi Marine Technology. O seu director Joaquín Gracia preséntanos algúns dos seus proxectos, como o sistema de eliminación de anisakis a bordo, ou a súa participación no proxecto europeo FAROS de reducción e valorización de descartes.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


Innovando Marexi

 

Foto tomada por Wicho antes de empezar a súa colaboración nos estudios da Coruña

Wicherías: Dícese das colaboracións do microsiervo Wicho en Efervesciencia nas que fala dos temas mais diversos. Como por exemplo as naves de avituallamento da ISS, os avances da Curiosity en Marte ou a irrupciñon das impresoras 3D.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Descargar Wicherias

 

Completan esta edición de Efervesciencia un Circo de Bacterias dedicado a uns intrigantes experimentos co lévedo da cervexa. Velaquí podes escoitar o programa íntegro:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Programa 237

 

Programa 214 (30-6-12): O atún da empanada

Pode asegurarse que a pesca con cana é como a matemática, nunca se domina de todo

Izaak Walton

O presidente da Fundación Lonxanet Antonio Garcia Allut participou no cumio de Río+20 para facer chegar a voz dos pescadores artesanais.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Descargar Valoración Río+20

 

Que hai atrás dunha empanada de bonito? Conversamos coa oceanógrafa María José Juan Jordá, especialista na xestión de recursos mariños e investigadora de doutoramento no grupo de Recursos Mariños e Pesqueirías da Universidade da Coruña. Nun estudio publicado en PNAS desvelan que o as poboacións mundiais de atúns se reducíronse  no último medio século un 60%. Pero non todas as especies estan afectadas por igual.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Entrevista  Mª José Juan Jordá

Mª José Juan nos estudios da RG na Coruña

Falando de atúns non podemos deixar de mencionar o II Concurso  de Receitas con “Bonito de Burela” que organizan os nosos compañeiros do Come e Fala da Radio Galega.

En 2008 a Generalitat Catalana reduciu o límite de velocidade ós accesos da área metropolitana de Barcelona, en determinados días e horas, a tan so 80 quilómetros por hora. O principal motivo desta decisión foi mellorar a calidade ambiental do aire, e deste xeito minimizar as emisións de óxidos de nitróxeno e partículas contaminantes.

Os datos actuais reflicten unha importante diminución destes contaminantes no aire da cidade condal. Semella que a medida foi eficaz, ou non?

Preguntas como esta  ocuparon na Toxa esta semana a expertos de 14 países no “V Workshop Atlántico sobre Enerxía e Economía Ambiental” que organizou Economics for Energy, o grupo Rede da Universidade de Vigo e a Fundación Barrié. Efervesciencia estivo alí, e esta foi a reportaxe que fixemos.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Reportaxe V Workshop Economía Ambiental da Toxa

Completa esta edición de Efervesciencia unha reporaxe sobre a presentación do informe “A Ciencia en Galicia”.

Aquí abaixo tes o programa completo:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Descargar programa completo

 

Social Widgets powered by AB-WebLog.com.