ecoloxía ← Efervesciencia

Efer 270 (18-1-14): Por que os paxaros teñen plumas de cores?

Xan

2014

Unha galiña tan so é medio que ten un ovo para fabricar outro ovo

Samuel Butler

Esta edición vai de cores: azul, gris, verde, azul e vermello.

Azul Ovo

Poñer un ovo azul é difícil, difícil aínda que non raro. A metade das especies de paxaros poñen ovos con tonalidades azuis ou verdes, aínda que isto non semella ser unha estratexia moi útil pra agochar os ovos dos posibles depredadores…

[audio:http://blogs.crtvg.es/efervesciencia/wp-content/uploads/2014/01/Intro-18-1-14-ovos-azuis.mp3]

Introdución: Ovos azuis

Ovos azuis

Gris cinza

Logo dun lume forestal o solo non so pode perder a súa parte máis fértil senón tamén contaminar ríos e acuíferos. Serafín González, investigador científico do Instituto de Investigacións Agrobiolóxicas de Galicia (IIAG-CSIC) cóntanos como unha cobertura de palla pode ser unha boa solución, aínda que non é a panacea.

[audio:http://blogs.crtvg.es/efervesciencia/wp-content/uploads/2014/01/SERAFIN-GONZALEZ-SOLOS-QUEIMADOS-DEF.mp3]

Serafín González e a recuperación de solos queimados

Lume nas Fragas do Eume (Mariano Grueiro CC BY-NC-SA 2.0)

Verde pata dun piquero de patas azuis

O profesor da Universidade de Vigo Alberto Velando é un dos investigadores mais citados do mundo en comportamento animal segundo Thomson-Reuters. Velando explícanos que os científicos negáronse a aceptar durante século e medio – ata os anos 90 – que a cor do paxaros tiña que ver coa selección sexual ao escoller parella. O seu grupo ten estudado abondosamente o comportamento dun pequeno mascato na Illa Isabel en México: o piquero de patas azuis (Sula nebouxii).

[audio:http://blogs.crtvg.es/efervesciencia/wp-content/uploads/2014/01/entre-alberto-velando-def.mp3]

Entrevista a Alberto Velando

Piqueros de Patas Azuis nas Galápagos (Laura Gooch CC BY-NC-ND 2.0)

Azul glaciar

Nova entrada do “Diario dun Neurocientífico ao redor do mundo”. Na súa volta ao mundo Xurxo Mariño segue os pasos de Darwin pola Patagonia e Tierra de Fuego.

[audio:http://blogs.crtvg.es/efervesciencia/wp-content/uploads/2014/01/XURXO-PATAGONIA-def.mp3]

Xurxo Mariño na Patagonia

Parque Nacional de los Glaciares (Xurxo Mariño)

Vermello Betelgeuse

A catedral do ceo de inverno é á constelación de Orión, coa superxigante vermella Betelgeuse no ombreiro do cazador mitolóxico. Escoita a nosa Guía do Ceo de inverno.

Velaquí tes a paleta completa, o programa íntegro para escoitar e descargar:

[audio:http://blogs.crtvg.es/efervesciencia/wp-content/uploads/2014/01/efer-270-18-1-14.mp3]

Descarga Efer 270 (18-1-14)

Programa 129 (12-4-09): Eu robot

Abr

2009

Se consideramos o seu peso, as bacterias son os organismos mais abundantes no mundo. Un investigador que traballa día a día con estes bichos é Esteban Fernandez Moreiras, con el imos iniciar unha sección que se nos antollou chamar Circo de Bacterias. Moreiras é investigador do Programa Parga Pondal no Instituto de Investigacións Biomédicas da Coruña, INIBIC, que ten a súa sede no Complexo Hospitalario Universitario da Coruña. A primeira reflexión de Circo de Bacterias xurdiu dun vídeo que circula por internet.

[local /files/2009/04/a-ovella-que-non-tiaa-amigos.wmv nolink]

Os símbolos teñen gran importancia na natureza.

Como serán os robots de aquí a 10, 15 anos? Serán os nosos asistentes do fogar, os nosos compañeiros, os nosos amigos? Coidarán dos enfermos, irán á guerra por nós, liberanránnos de traballo ou nos mandarán ao paro? Cambiarán a nosa vida, a sociedade ou mesmo a nosa definición como especie? Conversamos con profesor de socioloxía da UNED Antonio López Peláez autor dun completo estudo de prospección sobre o impacto dos robots na sociedade do futuro.

Os títulos das teses de doutoramento adoitan ser inintelixebles para os profanos. Este non é o caso de Rosa Devesa, que acaba de ler na USC a súa tese “Os sedimentos como rexistros de contaminación no río Anllóns”.

Programa 130 (12-4-09)