Efer 376 (18-12-16): Radio-actividade no estudo

Conversamos cos participantes no “6º Obradoiro comunicar ciencia na radio” que organiza Efervesciencia. Unha interacción na ondas entre unha bióloga, unha avogada, unha psicóloga, un científica do mar, unha formadora e un biólogo.

 

O videoxogo que analiza a túa empatía facial

Co psiquiatra Alejandro García Caballero saberemos como un videoxogo pode axudar a expresar emocións a pacientes con esquizofrenia para mellorar as súas habilidades sociais.

 

Como evitar que cada ano che toque o mesmo amigo invisible

Co enxeñeiro de telecomunicación da Universidade de Vigo Martín López Lores explicamos porqué todos os anos che toca regalar á mesma persoa no amigo invisible.

 

Catro xogos de tecnoloxía creativa para este nadal

David Ballesteros recoméndanos catro xoguetes tecnolóxicos para agasallar estes días: desde a lupa USB ata a plastilina condutora. Creatividade para os mais inquedos da familia.

Efer 374 (4-12-16): Os inimigos da pedra

SAMSUNG CSC

Para os galegos a pedra por excelencia é o granito. Esta rocha é a base de todo o noso patrimonio construído e ten varios inimigos naturais: os sales, as bacterias, os fungos,… Conversamos con Benita Silva, coordinadora do Grupo de Estudios Medioambientais aplicados ao Patrimonio da USC, que leva décadas aplicando coñecemento para protexer as nosas “pedras”. Cuestionarémonos se podemos saber como vai envellecer unha pedra de granito ou se está xustificada a limpeza da catedral de Santiago.

 

‘A burbulla da ciencia na tele pinchou’ conversa con @mimesacojea

SAMSUNG CSC

Conversamos con José Pérez Ledo sobre televisión, divulgación e escepticismo.

 

De Schiaparelli a “Escacharreli” con @Wicho

O noso espazotrastornado confeso Wicho de Microsiervos cóntanos o que hai atrás do accidente en Marte da sonda Schiapareli da ESA.

Efer 359 (12-6-16): O misterio do microscopio na lama

Contamos a incrible historia do microscopio atopado na lama, vendido en e-bay por 50€ e considerado o microscopio histórico de maior valor. Así o contan en Nature.
O coleccionista galego Tomás Camacho saltou do súa cadeira cando veu un lote de barateiras nunha poxa de e-bay. Agora é o propietario do único microscopio autentificado de Leeuwenhoek.

Actualmente a colección Pallas-Camacho exhíbese no Museo de Historia Natural da USC xunto cun exemplar orixinal de Micrographia de Robert Hook. A colección foi restaurada por Rafael San Marcial.

 

Contido extra: “Na miña boca hai mais seres vivos que en todos os Países Baixos”
Recuperamos a entrevista que lle fixemos no seu día ao pai da microscopía en Entrevistas no Alén.

 

Un investigador que escribe un blog de divulgación científica pode recibir retornos inesperados. Cando o bioquímico José Manuel López Nicolás “Scientia” visitou Santiago en 2014 para participar nunha charla de divulgación en EEEP-Compostela atopouse cunha solicitude de entrevista por parte de Ismael Martínez, responsable de proxectos de Feiraco. Martínez coñeceu a existencias as ciclodextrinas de Nicolás grazas ao seu blog de divulgación e ao “Señor dos Aneis”. E este foi o inicio dunha proveitosa colaboración científica no proxecto Dismetasin.

Non é habitual ver unha marca comercial nun artigo científico. Ismael Martínez cóntanos como recentemente publicaron que unha modificación na alimentación das vacas pensada para mellorar o seu perfil lipídico adicionalmente demostrouse que reduce a pegada de carbono do proceso produtivo nun 10%.

 

No “Circo de bacterias” de Esteban Fernández Moreira coñeceremos como xenes fluorescentes de bacterias poden acabar en árbores ou para cifrar mensaxes.

Efer 352 (24-4-16): Radiografía á divulgación galega

IMG_5910(1)

Presentación do Informe (Xurxo Mariño, Manuel Vicente, Ánxela Bugallo, Francisco Díaz Fierros, Jorge Mira, Silvia López, Iolanda Casal e Julio Rodríguez Taboada)

Dámoslle un repaso de arriba a abaixo a divulgación científica en Galicia da man do neurocientífico Xurxo Mariño e a xornalista Iolanda Casal, poñentes do último informe do Consello da Cultura Galega: A Divulgación da Ciencia en Galicia.

 

Na ISS teñen cultivado leitugas mediante hidroponía. En Galicia temos empresas como H2 Hydroponics.

 

O documental “Un espectador vulnerable” recolle o traballo de estudo e protección dos polbos realizado no proxecto “Cefaparques“. Documentase con imaxes por primeira vez casos de canibalismo en Octupus vulgaris na natureza. No ámbito de protección defende a necesidade de crear zonas de reserva para a conservación deste e outros cefalópodos.
Conversamos con Ángel Guerra, director do grupo de investigación EcoBiomar do IIM-CSIC.

 

É posible saber se un pasaxeiro sospeitoso vai voar en avión sen desvelar a listaxe de pasaxeiros? Si. Aplicando tecnoloxías criptográficas Gradiant, o Centro Tecnolóxico de Telecomunicacións de Galicia, vén de desenvolver unha ferramenta para compartir listaxes de pasaxeiros sen violar a privacidade dos mesmos.

Social Widgets powered by AB-WebLog.com.