Efer 369 (30-10-16): Por que nos sigue fascinando Verne?

 

“Todo o que unha persoa poida imaxinar, outras poderano facer realidade”

cv89akuxeaaxf2d-jpg-large

O xornalista e historiador Eduardo Rolland é un “verniano” ata a medula. Con el parolamos sobre o creador de “20000 leguas debaixo do mar”, a súa visión da ciencia e os científicos e a súa relación con Vigo.

 

O necrobioma pode resolver asasinatos

Cando morremos ponse en marcha un reloxo bacteriano que agora sabemos interpretar. Circo de Bacterias con Esteban Fernández Moreira especial Samaín.

 

“Mareas Vermellas” na gran pantalla

Tendemos a asociar ás mareas vermellas con episodios tóxicos, e non é así na maioría das veces. O equipo de Bioimaxe, xunto con Ardora SCG, mergúllanse nas nosas rías para producir o documental “Mareas Vermellas” que conta co asesoramento do investigador do IEO Francisco Rodríguez.

 

Estudan as cidades de bacterias que tes na boca

Os biofilms que crean as bacterias nas nosas bocas son como cidades en miniatura. Se queremos probar a efectividade dos antisépticos orais non abonda, como agora, con ensaialos nunha cápsula petri. Cómpre facelo “in sito” instalando dispositivos na boca. A doutora Isabel Prada cóntanos que con este método os resultados difiren do que se coñecía ata agora.

Efer 359 (12-6-16): O misterio do microscopio na lama

Contamos a incrible historia do microscopio atopado na lama, vendido en e-bay por 50€ e considerado o microscopio histórico de maior valor. Así o contan en Nature.
O coleccionista galego Tomás Camacho saltou do súa cadeira cando veu un lote de barateiras nunha poxa de e-bay. Agora é o propietario do único microscopio autentificado de Leeuwenhoek.

Actualmente a colección Pallas-Camacho exhíbese no Museo de Historia Natural da USC xunto cun exemplar orixinal de Micrographia de Robert Hook. A colección foi restaurada por Rafael San Marcial.

 

Contido extra: “Na miña boca hai mais seres vivos que en todos os Países Baixos”
Recuperamos a entrevista que lle fixemos no seu día ao pai da microscopía en Entrevistas no Alén.

 

Un investigador que escribe un blog de divulgación científica pode recibir retornos inesperados. Cando o bioquímico José Manuel López Nicolás “Scientia” visitou Santiago en 2014 para participar nunha charla de divulgación en EEEP-Compostela atopouse cunha solicitude de entrevista por parte de Ismael Martínez, responsable de proxectos de Feiraco. Martínez coñeceu a existencias as ciclodextrinas de Nicolás grazas ao seu blog de divulgación e ao “Señor dos Aneis”. E este foi o inicio dunha proveitosa colaboración científica no proxecto Dismetasin.

Non é habitual ver unha marca comercial nun artigo científico. Ismael Martínez cóntanos como recentemente publicaron que unha modificación na alimentación das vacas pensada para mellorar o seu perfil lipídico adicionalmente demostrouse que reduce a pegada de carbono do proceso produtivo nun 10%.

 

No “Circo de bacterias” de Esteban Fernández Moreira coñeceremos como xenes fluorescentes de bacterias poden acabar en árbores ou para cifrar mensaxes.

Bacterias que adelgazan… se es un rato e non comes comida lixo

Foto de Ducan Hull (CC BY 2.0)

 

Que pasaría se introducíramos bacterias intestinais de persoas obesas en ratiños de laboratorio? E de persoas delgadas? Isto é o que fixeron investigadores da Universidade de Washington. Comprobaron que estas bacterías poden modular o metabolismo dos ratos, é dicir, facer que engorden ou adelgacen segundo o caso. Os resultados veñen de ser publicados en Science. O domador do noso Circo de Bacterias, Esteban Fernández Moreira, cóntanos todos os detalles que teñen moita substancia.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Descargar “Bacterias que adelgazan”

Efer 233 (19-1-13): O retorno da lura xigante

Sempre suspiramos por visións de beleza, sempre soñamos mundos descoñecidos

Máximo Gorki

 

Lura xigante fotografada por Discovery Channel

A pasada semana soubemos que un equipo xaponés dirixido por Tsunemi Kubodera foi quen de filmar para Discovery Channel e por primeira vez na historia a unha lura xigante viva no seu medio. Beleza en estado puro no descoñecido mundo das profundidades abisais.

Conversamos co teutólogo Ángel Guerra,  Profesor de Investigación no CSIC-IIM, é un dos máximos especialistas mundiais no Architeuthis dux, a lura xigante. Unha viaxe fascinante ao incrible mundo dos cefalópodos e o seu rei indiscutible.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Entre lura xigante con Ánguel Guerra

Ánguel Guerra

 

En Galicia temos empresas que están deseñando o seus propios prototipos de turbinas para explotar as correntes mariñas, é o caso de Resolve Enerxía.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Innovando Resolve Enerxía.

Nesta edición efervescente tamén coñecemos o incrible caso dun  rotífero que leva 80 millóns de anos sen sexo (1 e 2). Non podía ser noutro sitio que no Circo de Bacterias de Esteban Fernández Moreira.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Circo de Bacterias Rotífero

Rotífero bdelloideo (Diego Fontaneto en Plos Biology, doi:10.1371/journal.pbio.0050099.g001)

 

Completa o programa un experimento de ovos. Podes escoitalo integramente aquí:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Descarga o programa completo

 

Social Widgets powered by AB-WebLog.com.