Efer 373 (27-11-16): Encher un lago con matemáticas

 

Conversamos con Elena Vázquez Cendón, investigadora do Grupo de Enxeñería Matemática da USC. Grazas á simulación numérica a industria resolve problemas, desde o enchido de lagos como o de As Pontes ata os programas de procesado de datos espectroscópicos que empregan os químicos en todo o mundo.
Coñecemos tamén os traballos dos matemáticos industriais Marcos LoureiroInstituto de Investigación Sanitaria Galicia Sur – e Santi Pontes – Mestre Lab

 

Participa nun experimento cuántico: The Big Bell Test

Conspiran as partículas cando as medimos? Existe a acción fantasmagórica a distancia? Bohr ou Einstein? Marta García Matos do Instituto de Ciencia Fotónicas (ICFO) explícanos en que consiste o test de Bell e as súas implicacións filosóficas. No proxecto “The Big Bell Test” os xeradores de números aleatorios para realizar os experimentos de óptica cuántica han ser milleiros de voluntarios.

 

Forest 112: Unha aplicación para salvar un bosque

O proxecto de ciencia cidadá “Forest 112” proporciona unha ferramenta no noso móbil coa que podemos reportar nas nosas saídas ao campo especies invasoras e pragas. Cun pouco de práctica e coa axuda da aplicación aprenderemos a identificar a estes inimigos das nosas fragas. Conversamos con Javier Tabernero de Forest 112.

Efer 310 (11-1-15): Ciencia cidadá e té para a diarrea

Un dos maiores recursos que temos na loita contra a pobreza e as enfermidades é a forza do noso intelecto

Bill Gates

Fermín Serrano

Grazas á ciencia cidadá todos podemos botar unha man aos científicos profesionais nas súas investigacións. Un xeito é compartir a capacidade computacional dos nosos ordenadores, outro é prestarlles o noso cerebro por uns momentos para resolver sinxelos problemas: detectar manchas solares, identificar células estragadas, unir palabras,… É moi sinxelo e máis práctico á sociedade que resolver sudokus.  Entrevistamos a Fermin Serrano, investigador do BIFI e director da Fundación Ibercivis. Escolle o teu experimento, aínda non descargaches a súa aplicación móbil?

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Entrevista a Fermín Serrano

Detectando machas solares con "Sol4All"

 

Investigadoras do grupo "Citoesqueleto celular e transducción de sinais"

Axúdanos a demostrar como un té prevén diarreas producidas por bacterias? Este é o chamamento que fai o grupo de investigación de Narcisa Martínez Quiles do departamento de microbioloxía da Universidade Complutense de Madrid a través da plataforma de micromecenado Precipita.es. O obxectivo é aplicar o coñecemento deste grupo de investigación para loitar contra as diarreas que se estima causan un millón de mortes de nenos ao ano, unha investigación que debería ter a oportunidade de realizarse. Precipita é unha iniciativa da FECYT que ten xerado un interesante debate.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Entrevista a Narcisa Martínez

José Castillo, Tomás Sobrino e Francisco Campos (Foto RAGC)

Un tratamento para o ictus con células nai e un traballo sobre teoría de cordas son os gañadores do Premio de Investigación 2014 “Ernesto Viéitez” da Real Academia Galega de Ciencias. Conversamos con José Castillo do IDIS, e con Iago Bea Besada investigador de doutoramento do departamento de Física de Partículas da USC, galardoado co Premio Promoción de Novos Investigadores.

Premio RAGC 2014

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

 

O coñecemento dos nosos centros de investigación tamén pode ser posto ó servizo da cooperación ó desenvolvemento. Este é o caso do proxecto I-Coop H2O do CSIC “Estudio integral da Bahía Magdalena” coordinado por Juan Santos, doutor contratado no Instituto de Investigación Mariñas-CSIC de Vigo. A Bahía de Magdalena (Baja California, México) é un dos santuarios da balea Gris. O problema é que as poboacións da zona desértica verten á Bahía sen depurar.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Juan Santos “Bahía de Magdalena”

Velaquí tes o programa completo ao teu dispor para escoitar, descargar, compartir,…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Efer 310 (11-1-15)

Efer 292 (5-7-14): Cooperación e eficiencia enerxética

Como podemos explicar que as matemáticas, un produto da mente humana independente da experiencia, se adapten tan admirablemente ben ós obxectos da realidade?

Albert Einstein

Foto de JonyCunha (CC BY-SA 2.0)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Descargar SINC Anxo Sánchez Dilema do prisionero

Einstein non é o único gran científico sorprendido polo feito centos de veces constatado de que as abstraccións matemáticas moitas veces acaban tendo unha correspondencia co mundo real. Non deixa de ser abraiante que por exemplo o número φ, o número de ouro, se atope representado nunha folla de figueira, a cuncha dun náutilo ou mesmo  no rostro da Guioconda.

En Teoría de Xogos hai un problema clásico que se formulou nos anos 50 que é coñecido como o “dilema do prisioneiro“, e que nos seus inicios se empregou en estudos sobre unha posible guerra nuclear.

O dilema do prisioneiro pode enunciarse así: Imaxina que ti e un colega sodes detidos, acusados dun delito e pechados en celas incomunicadas. Nesta situación o fiscal ofrece o seguinte pacto:

– Se ti confesas e o teu colega non, ti quedas libre e a el cáenlle 10 anos.

– Se é ó revés, ti calas e o teu colega confesa, el queda libre e ti pasas 10 anos á sombra.

– Pero o quid da cuestión é, que se confesades os dous á vez, a pena imposta é de 6 anos de cadea, e se calades os dous so vos levades 1 ano.

O interesante deste problema é que a túa mellor resposta depende do que faga o teu compañeiro, cooperando minimizas danos, pero se o traizoas podes quedar libre se o teu compañeiro non fai o mesmo. Ti que farías?

Curiosamente este dilema matemático recorda moito ós grandes titulares de tribunais que estamos a ver na prensa estes días…

O estudo do “dilema do prisioneiro” segue proporcionando resultados interesantes, como os que vén de obter Anxo Sánchez sobre cooperación humana. Conversamos con Sánchez – Catedrático de Matemática Aplicada no Grupo Interdisciplinar de Sistemas Complexos da Universidade Carlos III – da man de Eva Rodríguez a raíz desta nova de SINC.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

VI Workshop Atlántico de Economia Enerxética

Co laboratorio portátil da Radio Galega desembarcamos no “VI Workshop de Enerxia e Economía Ambiental” que se celebrou na Toxa o mes de xullo organizado por Economic for Energy. Puidemos conversar con Pedro Linares, Andreas Löschel, Ibon Galarraga y Juan Pablo Moreno sobre probreza energética, eficiencia, políticas de los planes “renove”,…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Micro Barrié Proxectos Escolares

A covocatoria “Proxectos Escolares” é unha iniciativa da Fundación Barrié a través de Educabarrié para apoiar os mellores proxectos de innovación educativa que se levan a cabo nos centros escolares galegos. Un deles é “Ciencia Cidadá na escola” do IES David Buján de Cambre que coordina Xosé Viñas. A actual convocatoria está aberta ata o 14 de setembro de 2014.

E velaquí tes ao teu dispor o programa completo para escoitar, compartir, ou levar posto.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Descargar Efer 292 (5-7-14)

 

Social Widgets powered by AB-WebLog.com.