Programa 180 (24-9-11): Efervesciencia desde o CERN

Durante os últimos 25 anos nos que investiguei sobre as partículas mais pequenas que constitúen a materia empecei a ver a natureza como un grande test de intelixencia para toda a humanidade.

Gerard´t Hooft

A gran pregunta deste test de intelixencia á humanidade é chegar a saber “o que son as cousas”, coñecer as cousas ata intimidade mais pequena da materia. E para esta colosal epopea contamos cun cerebro colectivo froito da interacción das ideas e esforzos das 10.009 persoas que na actualidade traballan no CERN, o Laboratorio Europeo, pero en realidade mundial, de Física de Partículas.

(Foto: C. Lozano)

Xusto hai 3 anos botou a andar no CERN a súa xoia da coroa, o LHC, o Gran Colisor de Hadróns. Unha enxeño colosal que é a vez o maior “microscopio” xamais imaxinado para asexar no mais pequeno da materia, e unha máquina do tempo para viaxar 13.700 millóns de anos cando o noso universo non era mais que punto denso e moi, moi quente, e non tiña de vida apenas unha fracción de segundo.

(Foto: A. Rivas)

Para gravar este programa acompañamos durante 5 días a un grupo de profesores galegos de secundaria cos que gozamos da experiencia única de coñecer aos protagonistas deste espazo e tempo privilexiado no que se está a construír a historia do século XXI.

(Foto: C. Lozano)

Aínda que non falamos do experimento OPERA neste programa, contámosvos como curiosidade que xusto no último día da nosa expedición – unha semana antes de que saltase a noticia dos neutrinos superlumínicos – un dos profesores galegos preguntou nun seminario a Álvaro de Rújula precisamente sobre a posibilidade de que os neutrinos puideran viaxar a maior velocidade da luz. Andaremos atentos ao que dea de si todo este asunto, mentres gozade co programa que gravamos no CERN.

(Foto: A. Rivas)

Descargar el programa completo

[audio:http://blogs.crtvg.es/efervesciencia/wp-content/uploads/2012/05/Efer-180-24-9-11.mp3]

Se quedas con ganas de mais velaquí tes ás versións extendidas das entrevistas:

Con José Salicio (Foto: C. Lozano)

Entrevista extendida a José Salicio

[audio:http://blogs.crtvg.es/efervesciencia/wp-content/uploads/2012/06/Entre-Salicio-Extendida.mp3|titles=Entre Salicio Extendida]

 

Con Teresa Fonseca e Abraham Gallas (Foto: C. Lozano)

Entrevista extendida con Teresa Fonseca e Abraham Gallas

[audio:http://blogs.crtvg.es/efervesciencia/wp-content/uploads/2012/06/Entre-Fonseca-Gallas-Extendida.mp3|titles=Entre Fonseca Gallas Extendida]

Con Araceli Sánchez e Adriana Patiño (Foto: C. Lozano)

Con Ricardo Paredes, Socorro Liste, Mick Storr e Margarita Cimadevila (Foto: C. Lozano)

Entrevista informal a John Ellis

[audio:http://blogs.crtvg.es/efervesciencia/wp-content/uploads/2012/05/Entre-John-Ellis1.mp3|titles=Entre John Ellis]

John Ellis

Entrevista informal a Álvaro de Rújula

[audio:http://blogs.crtvg.es/efervesciencia/wp-content/uploads/2012/05/Entre-Rujula-2011.mp3|titles=Entre Rujula 2011]

Falei mal de SUSY (Teoría da SuperSimetría) (Foto: A. Rivas)

Mais fotos…

 

Programa 135 (24-5-09): Coruñecern 0.1

O Centro Cívico do Mallos acolleu a primeira edición do Coruñecern organizado polo IES Urbano Lugris, e alí estivo Efervesciencia para cubrir o evento.

Poñentes no Coruñecern

Poñentes no Coruñecern

Puidemos falar con Margarita Cimadevila, Susana Mataix, Mar Capeans e Francisco Barradas.

No Circo de Bacterias de Esteban Fernández Moreiras asistimos ao combate entre antibioticos e bacterias.

[local /files/2009/05/1_5_penicillin.wmv nolink]

Pontevedra converteuse na capital da feixómica – o estudo xenético do feixón común – co Congreso Internacional “Phaseomics VI Meeting”. Conversamos con Antonio de Ron, profesor de investigación da Misión Biolóxica de Galicia-CSIC.

[audio:http://www.efervesciencia.es/efer/prog/efer135_24-5-09.mp3]