Efer 438 (13-5-18): Especial Galiciencia

Levamos o laboratorio portátil de Efervesciencia a Tecnópole (San Cibrán da Viñas) para coñecer de primeira man a edición número 13 da Feira Científica Galiciencia. Aproveitamos para conversar co investigador da Universidade de Vigo Juan Antonio Añel, especialista en impacto do Cambio Climático e física atmosférica.
Contamos ademais con Sabela Bouzo, Antonio Gregorio, Ana Otero, Tino Álvarez, David Ballesteros, Iria Ollero e Kike Fontán.

Desde Londres… unha “Science Week” con acento galego

Por outra banda o noso correspondente en Londres, Juan Picos, achegouse no barrio de Portobello ao colexio español Cañada Blanch. Alí descúbrenos unha “Science Week” que fala en galego.

Efer 429 (11-3-18): Océanos con futuro

A única axuda Starting Grant do Consello Europeo de Investigación (ERC) que recaeu sobre unha investigadora galega pertence a Elena Ojea. Visitamos o seu “Future Oceans Lab” na Universidade de Vigo onde estudan como adaptar os sistemas mariños aos impactos previstos do Cambio Climático. Conversamos con Elena Ojea e os membros do seu equipo Alba Aguión e Diego Salgueiro.

 

Muller e Ciencia

Joana Magalhaes fálanos da política de xénero “Human Brain Porject” da Unión Europea. Velaquí un par de lecturas recomendadas: Why we need to put women on research teams e How to tackle the childcare–conference conundrum

 

Banda Deseñada

En “Cambio de Fase” Daniel Pizarro preséntanos o cómic “El misterio del mundo cuántico“.

 

Cinema e Ciencia

Coñecemos os míticos “Vortex Concerts” en planetarios de Jordan Belson da man de Martin Pawley.

Efer 330 (31-5-15): Delicuescencia

O investimento mais importante que se debe facer en ciencia é na xente e nos novos científicos

Claude Cohen-Tannoudji

Dávila facendo medicións nun lago xeado (foto Dale Andersen)

Alfonso Fernández Dávila é astrobiólogo no Instituto SETI. e no Nasa Ames Research Centre.  Na súa investigación estuda as condicións de habitabilidade nos vales secos da Antártida ou no deserto de Atacama, o lugar mais seco da terra. Curiosamente en Atacama os microorganismos aparecen no lugar menos esperado, no sal. Completamos a nosa conversa con Luis Gago, profesor do Departamento de Xeociencias Mariñas da Universidade de Vigo, que reflexiona por qué a NASA non busca a vida extraplanetaria directamente. Tamén nos achegamos aos obradoiros do  laboratorio portátil do Centro de Astrobioloxía (INTA-CSIC) en Cangas dentro do Proxecto Ciudad Ciencia.

[audio:http://blogs.crtvg.es/efervesciencia/wp-content/uploads/2015/10/Entre-Alfonso-Dávila-e-Luis-Gago-def.mp3|titles=Entre Alfonso Dávila e Luis Gago def]

Astrobioloxía con Alfonso F. Dávila e Luis Gago

Simulación do criomagmatismo de Éncelado feita en Cangas polo CAB

.

O nobel Claude Cohen-Tanoudji estivo en Santiago invitado polo programa Conciencia da USC. Deste xeito explicou en rolda de prensa coa tradución simultánea de Jorge Mira, o fundamento das súas investigacións en enfriamento de átomos con láser:

[audio:http://blogs.crtvg.es/efervesciencia/wp-content/uploads/2015/10/Intro-330-Claude-Tanoudji.mp3]

Introducción Cohen-Tanoudji

 

Un dos temas que preocupa á xente é o medio ambiente e a enerxía, pero cantas veces se ten consultado a cidadanía para saber o que opina sobre estas cuestións? O proxecto World Wide Views reúne a 6000 cidadáns en 60 países pra coñecer a súa opinión sobre os temas que centrarán as negociacións da vindeira conferencia das Nacións Unidas sobre o cambio climático de Paris. Conversamos con Adelina Pastor.

[audio:http://blogs.crtvg.es/efervesciencia/wp-content/uploads/2015/05/WWVIEW-ADELINA-PASTOR-DEF.mp3]

WWV Adelina Pastor

.

E esta é unha nova entrega da serie dedicada á Rede Galega de Biomateriais con José Ramón Caeiro, xefe de servicio de cirurxía ortopédica e traumatoloxía do CHUS.

[audio:http://blogs.crtvg.es/efervesciencia/wp-content/uploads/2015/10/Rede-Biomateriais-5-Caeiro.mp3]

Rede Biomateriais 5

.

Na nosa Guía do Ceo rememoramos os 25 anos da Casa das Ciencias:

[audio:http://blogs.crtvg.es/efervesciencia/wp-content/uploads/2015/06/Guía-ceo-maio-15-def.mp3]

Guía o Ceo maio 15

 

Velaquí tes o programa integro para escoitar só ou en boa compaña.

[audio:http://blogs.crtvg.es/efervesciencia/wp-content/uploads/2015/10/EFEFVESCIENCIA-31_5_15.mp3]

Efer 330 (31-5-15)

Efer 327 (10-5-15): E este homínido de quen vén sendo?

O home é o único animal que quere existir

Fernando Pessoa

A elaboración do noso álbum familiar como especie está moi animada. Os descubrimentos dos últimos anos abren suculentas discusións no eido da paleontropoloxía. Nesta edición tivemos o honor de poder manter unha longa conversa con María Martinón que é antropóloga dental no Centro Nacional de Investigación sobre a Evolución Humana. Martinón pertence ao equipo de escavación de Atapuerca, e con ela falamos de neandertais, do home de Denisova, dos inicios da solidariedade na nosa especie e outros aspectos actuais de evolución humana.

[audio:http://blogs.crtvg.es/efervesciencia/wp-content/uploads/2015/05/Entre-María-Martinon-2015-1.mp3]

Entrevista a María Martinón: Parte 1

[audio:http://blogs.crtvg.es/efervesciencia/wp-content/uploads/2015/05/Entre-María-Martinon-2015-2.mp3]

Entrevista a María Martinón: Parte 2

Esta é unha pregunta que lle fixemos a Martinón e que non puidemos incluír na emisión radiofónica por falta de tempo. Tras o amplo estudo en Science do equipo de Atapuerca en 2014 sobre as características neandertais dos fósiles da “Sima de los Huesos”, cómpre preguntarse que falla na asignación tradicional de Homo Heidelbergensis  a estes espécimes.

[audio:http://blogs.crtvg.es/efervesciencia/wp-content/uploads/2015/05/Extra-Martinón-Mauer.mp3]

Pregunta extra a Martinón

María Martinón

.

Eva Rodríguez de SINC conversa con Joaquín Bedía do Instituto de Física de Cantabria. Veñen de publicar un traballo no que se estima que para 2075 ás áreas queimadas polos incendios hanse duplicar e mesmo triplicar na Península Ibérica atendendo ao cambio climático.

[audio:http://blogs.crtvg.es/efervesciencia/wp-content/uploads/2015/05/SINC-prospectiva-area-queimada-def.mp3]

SINC prospectiva areas queimadas 2075

 .

Completa o programa a segunda entrega da Rede Galega de Biomateriais. Velaquí tes o programa íntegro, compárteo e dinos que che gusta.

[audio:http://blogs.crtvg.es/efervesciencia/wp-content/uploads/2015/05/EFERVESCIENCIA-10_05_15.mp3]

Efer 327 (10-5-15)