biomedicina ← Efervesciencia

Efer 278 (8-3-14): Érbedos en Irlanda

Mar

2014

Debémoslle lealdade ás especies e mailo planeta. Nos falamos no nome da Terra. Estamos obrigados a sobrevivir non so por nos senón tamén por este Cosmos – antigo e vasto – do cal emerxemos.

Carl Sagan

Foto Josh S Jackson (CC BY-NC-SA 2.0)

Xabier Santiso

Os érbedos son uns arbustos de orixe mediterránea que tamén podemos atopar en Galicia. En Portugal cos seus froitos fan licores. Pero, como é posible que deran chegado a Irlanda e non se atopen no Reino Unido? Xabier Santiso – investigador de predoutoramento do grupo ECOTOX da USC e bolseiro Barrié – emprega a xenética e as matemáticas para estudar este pequeno misterio. Quizais o mito celta tamén atinxe ás sementes?

[audio:http://blogs.crtvg.es/efervesciencia/wp-content/uploads/2014/03/entre-xabier-santiso-def.mp3|titles=entre xabier santiso def]

Descargar entrevista

Foto Tom Magliery (CC BY-NC-SA 2.0)

Biocerámicas feitas con dentes de tiburón, epixenética contra o alzheimer, enfermidades raras,… O pasado xoves persoal de Biocaps participou nun seminario de habilidades de comunicación para investigadores. Alí levámolos micros de Efervesciencia para fabricar estas tres biocápsulas sonoras.

BIOCAPS quere poñer a Vigo no mapa mundial da biomedicina. Este proxecto financiado polo VII programa Cadro de investigación da Unión Europea está a reforzar a estrutura do Instituto de Investigación Biomédica de Vigo no que participan tanto a Universidade de Vigo como o Complexo Hospitalario da cidade olívica.

[audio:http://blogs.crtvg.es/efervesciencia/wp-content/uploads/2014/03/biocaps-1-def.mp3]

Descarga a biocápsula 1

[audio:http://blogs.crtvg.es/efervesciencia/wp-content/uploads/2014/03/biocaps-2-def.mp3]

Descarga a biocápsula 2

[audio:http://blogs.crtvg.es/efervesciencia/wp-content/uploads/2014/03/biocaps-3-def.mp3]

Descarga a biocápsula 3

Outros contidos desta edición efervescente son unha nova entrada do “Diario dun neurocientífico ao redor do mundo” e a última Postal Planetaria de Borja Tosar.

E velaquí tes ao teu dispor o programa completo para escoitar, compartir, ou levar posto.

[audio:http://blogs.crtvg.es/efervesciencia/wp-content/uploads/2014/03/Efer-277-8-3-14.mp3]

Descarga o programa completo Efer 277 (8-3-14)

Programa 223 (3-11-12): Nubes, prismas, e fontanería informática para o corazón

Nov

2012

Non son nube nin flor os que namoran,

es ti, corazón, triste ou ditoso.

Rosalía de Castro

Reunión IPCC (Fonte: Economics for Energy)

Vigo acolleu unha reunión do Grupo Intergubernamenal sobre Cambio Climático da ONU. 281 expertos pertencentes a 51 países, autores principais e coordinadores do grupo III do IPCC, traballaron sobre as opcións para mitigar o cambio climático cara o V Informe de Avaliación. Conversamos con Xavier Labandeira, catedrático de economía da Universidade de Vigo e responsable do centro de investigación “Economics for Energy”.

[audio:http://blogs.crtvg.es/efervesciencia/wp-content/uploads/2012/11/LABANDEIRA-IPCC.mp3]

Entrevista a Xavier Lavandeira

A qué profesional chamarías para simular e reparar un sistema de 96.000 km de tubaxe polos que flúe un liquido viscoso impulsado por unha soa bomba oscilante? A un fontaneiro? A un informático? Nós sen pensalo a Alberto Figueroa, que é Enxeñeiro de Camiños, Canles e Portos. Figueroa ven de gañar unha prestixiosa Strarting Grant da UE precisamente para estudar un sistema destas características: o sistema cardiovascular. Figueroa aténdenos desde Londres, onde é profesor titular do departamento de Ciencias da Imaxe e Enxeñería Biomédica no King´s College.

Un elemento importante na carreira de Alberto Figoroa foi o ter sido no seu momento un bolseiro de Fundación Barrié para facer o seu postgrao en Enxeñaría Mecánica na Universidade de Stanford.

[audio:http://blogs.crtvg.es/efervesciencia/wp-content/uploads/2012/11/ENTRE-ALBERTO-FIGUEROA.mp3]

Conversa con Alberto Figueroa

[youtube p1NH_iGZ0YU A]

Nos anos 30 o doutor Uriarte gravou nuns vinilos latexos de corazón con fins didácticos. Germán Díaz recrea o “Método Cardiófonico” de Uriarte como fonte de inspiración dunhas melodías únicas. Un consello, axusta ben os graves do teu equipo para escoitares os latexos.

: Ramón Núñez por Xurxo Lobato [CC-BY-SA-2.5]

Coñecemos en directo e en primicia o palmarés da XXV Edición dos Premios Prismas “Casa das Ciencias” da man Rosa Capeáns, xefa do departamento de cultura científca da FECYT, que exerceu de presidenta do xurado en representación de Carmen Vela, secretaria de Estado de Investigación. Destacamos que o Prisma de Honor recaeu en Ramón Núñez, director do MUNCYT e alma máter dos Museos Científicos Coruñeses.

[audio:http://blogs.crtvg.es/efervesciencia/wp-content/uploads/2012/11/Fallo-prismas-2012.mp3]

Fallo Prismas 2012

Foto de Ismael Pan

O músico Germán Díaz xunto con outros nefelibatas (*) organizou a pasada fin de semana na granxa escola de Barreiros, en Sarria, Lugo, o I Congreso Internacional de Observadores de Nubes. Tivemos a sorte de poder gozar deste orixinal proposta na que confluíron a meteoroloxía, a fotografía, a antropoloxía, a arte, a astronomía e a música. Para os oíntes de Efervesciencia trouxemos un par de nubes.

(*) Nefelibata: Palabra culta do grego nube e andar. Dito dunha persoa: Soñadora, que anda polas nubes.

Nefelibatas

[audio:http://blogs.crtvg.es/efervesciencia/wp-content/uploads/2012/11/Nefelibatas.mp3]

Repor Congreso Internacional de Observadores de Nubes

[audio:http://blogs.crtvg.es/efervesciencia/wp-content/uploads/2012/11/Repor-congreso-nubes-def.mp3]

Velaquí tedes o programa completo:

[audio:http://blogs.crtvg.es/efervesciencia/wp-content/uploads/2012/11/Efer-223-3-11-12.mp3]

Programa 223 completo