Guía do Ceo de verán 2013

Á altura do solsticio de verán estamos nos días mais longos do ano onde o sol acada a súa máxima altura ó mediodía, e a nosa sombra é mais pequena. Pola contra as noites son as mais curtas, pero aínda así hai moito ceo por gozar, e senón que llo digan aos nosos estreleiros, Irene Baspino e  Martin Pawley.

Para quen queira non deixar de escapar a oportunidade de explorar o ceo de verán velaquí temos a nosa Guía do Ceo válida para novatos e tamén para “enterados”.

Nesta Guía do Ceo incluímos unha crónica sonora da “Noite Efervescente“.

[audio:http://blogs.crtvg.es/efervesciencia/wp-content/uploads/2013/07/Guía-do-Ceo-do-Verán-2013-def.mp3]

Podcast da Guía do Ceo do Verán 2013

E como extra aquí tedes un agasallo que nos fixo Irene Baspino, unha Guía do Ceo do verán paso a paso en formato electrónico. Non a deixedes de compartir e levar nas vosas vacacións.

Guía do Ceo do Verán 2013

Atopa os 5 erros deste microrelato e participa na Noite Efervescente

Este mircrorelato de Henrique Neira resultou finalista da edición 2013 de Inspiraciencia. Nel introducimos deliberadamente 5 erros. Es quen de atopalo? Escríbenos a efervesciencia(aquí vai a arroba)radiogalega.es coas túa respostas antes do 22 de maio.

[audio:http://blogs.crtvg.es/efervesciencia/wp-content/uploads/2013/05/a-galleta-de-manoliño-def.mp3]

Descargar microrelato

Gañará quen atope mais erratas, no caso de empate farase un sorteo.

O premio é unha estadía dunha noite con almorzo para 6 persoas nun apartamento do albergue Os Biocos en San Xoán de Río (Ourense) para participar na festa da astronomía para todos Noite Efervescente o sábado 15 de xuño. Se queres participar no concurso e non desexas asistir á Noite Efervescente podes escoller como premio alternativo levar un libro de divulgación.

(En caso de que por causas meteorolóxicas se pospoña a Noite Efervescente se poderá gozar do premio noutra data anterior ao 15 de setembro de 2013, sempre que haxa dispoñibilidade no albergue. Nestas circunstancias os gañadores se lles ofrecerá desde o albergue dos Biocos unha sesión guiada de observación astronómica)