Este é o selo que acaba de lanzar Correos para conmemorar o 100 aniversario da morte de Mensdeleyev, o pai da Táboa Periódica dos Elementos. O seu autor é o químico Javier García Martínez

Conversamos con Xurxo Ayán sobre a arqueoloxía actual, e sobre unha recente expedición que realizou ao Nilo Azul (Etiopía-Sudán) para estudar a cultura Gumuz. Ademais de realizar unha investigación etnoarqueolóxia, os expedicionistas puxeron en marcha un museo etnográfico coa fin de evitar que a ameazada cultura Gumuz desapareza sen deixar rastro.

Sorprendeunos saber que os investigadores atoparon elementos semellantes aos da cultura castrexa. Froito desta expedición xurdiu a exposción fotográfica “Onde as rúas no teñen nome” que se pode visitar ata o día 25 de febreiro na Sala Isaac Díaz Pardo de Veterinaria en Lugo. Posteriormente montarase en Santiago.

Xurxo Ayán é investigador do Laboratorio de Arqueoloxía do Instituto de Estudos Galegos Padre Sarmento dependente do CSIC e da Xunta de Galicia. Actualmente está rematando a súa tese doutoral sobre as escavacións do Castro de Neixón, das que é director. 

Vénse de publicar o avance da III Enquisa Nacional sobre Percepción Social da Ciencia e a Tecnoloxía encargado pola FCYT.

Malia unha superficial valoración positiva da ciencia por parte dos cidadáns, a enquisa desvela que nas cuestións prácticas e concretas o interese pola ciencia esfúmase.

A Ciencia e Tecnoloxía ocupan o posto 13 na lista de intereses dos españois. A primeira posición corresponde, por suposto, ó deporte. Os cidadáns tampouco consideran que se deba aumentar o gasto público en I+D. Os galegos somos ós menos “pro-científicos” de todo o Estado.

Chama a atención que os españois cren que os medios de comunicación non prestan unha atención suficiente a Ciencia.  En concreto, un 48% dos enquisados coidan que na radio non hai suficientes contidos de ciencia, fronte a un 31% que opinan que si.

Que pensan ó respecto os oíntes de Efervesciencia?

Ricardo Gurriarán.

 

“Ciencia e Conciencia na Universidade de Santiago (1900-1949). Do influxo institucionalista e a JAE á depuración do profesorado”  é o título da tese doutoral de Ricardo Gurriarán. A Universidade de Santiago ao comezo do século XX tiña todas as condicións para producir un premio Nobel en Ciencias: profesorado novo e innovador formado no estranxeiro, contactos  coa elite científica internacional, medios, participación da muller,…

A Guerra Civil e a Ditadura abortan durante décadas o florecemento científico da Universidade de Santiago. Algúns dos profesores depurados atopan acubillo nunha empresa creada polos irmáns Fernández en 1939: Zeltia.

• Programa 16 (4-2-07)