Por estas datas a revista Science adoita publicar unha lista cos descubrimentos máis importantes do ano.

Cando mercamos un coche tomamos unha decisión racional ou emocional? E cando decidimos deixar a nosa parella? Por que despois de millóns de anos de evolución humana os sentimentos son imprescindebles para sobrevivir (con saúde)? Sobre estas cuestións conversamos con Ignacio Morgado, Catedrático de Psicobiología e Metodoloxía das ciencias da Saúde da Universidade Autónoma de Barcelona.

Innovamos con Keramat.

Programa 63 (30-12-07)

Unha carta a Nature desvela que cada vez máis os científicos mandan máis manuscritos ás revistas especializadas o 25 de nadal…

Óscar Blanco preséntanos a Guía do Ceo editada en galego por Le Pourquoi Pas.

Como compaxinar os lexítimos intereses da industria farmacéutica co acceso universal aos medicamentos? Xosé María Torres cóntanos como resolver a ecuación patentes + beneficios = investigación + progreso. Xosé María Torres é farmacéutico, docente de ciclos formativos de formación profesional, membro de Farmacéuticos Mundi, e actual presidente da Coordinadora Galega de ONGs para o Desenvolvemento.

Rematamos cun concurso “radioactivo”.

• Programa 62 (23-12-07)

Damos conta do evento anual da Unidade Muller e Ciencia de Galicia no que se lle concedeu a Inmaculada Paz Andrade o premio María Wonenburger na súa primeira edición.

No tempo da conversa caemos dentro dun burato negro, viaxamos ó inicio do tempo e do espazo, e buscamos as partículas máis esquivas que agochan, entre outros, o segredo de por que os corpos teñen masa. Só podemos sobrevir a esta experiencia grazas ás explicacións de Marcos Mariño, un novo científico galego catedrático de física na Universidade de Xenebra.

Marcos Mariño.

Ardora é unha cooperativa viguesa de traballo asociado creada por tres mulleres que presta servizos de formación innovadores relacionados co mundo do mar.

• Programa 61 (16-12-07)

Os térmites son os protagonistas da nova da semana. 

Ao fío da publicación hai dúas semanas da reprogramación de células humanas en células nai conversamos con Daniel Soutullo sobre a historia das células troncais. Daniel Soutullo é biólogo especialista en bioética, autor de numerosos ensaios e gañador o ano pasado do premio de investigación en bioética que concede a fundación Víctor Grifols i Lucas.

Concurso: Canto tempo tardan en renovarse todas as células do teu corpo?

• Programa 59 (2-12-07)