Wicherías ← Efervesciencia

Efer 315 (15-2-15): Viaxe ao fondo dos ollos

Feb

18

2015

As cores dependen da luz que un ve

James Joyce

Efervesciencia é entidade colaboradora do IYL2015 en Galicia

.

Cando ollamos o fondo do ollo, a retina, estamos a ver a única parte do noso sistema nervioso que ten acceso directo ao exterior. O investigador da USC Justo Arines deseña técnicas optométricas para poder ver con extrema nitidez no fondo do ollo. Algunhas destas tecnoloxías son semellantes as que teñen as cámaras mais modernas dos móbiles. Con Justo conversamos sobre Ciencias da Visión, láseres, lentes de contacto, depilación,… Tamén contamos con catedrático de Óptica da Universidade de Vigo Humberto Michinel que nos presenta as actividades e concursos do Ano Internacional da Luz en Gali cia.

[audio:http://blogs.crtvg.es/efervesciencia/wp-content/uploads/2015/02/Entre-Justo-Arines-def.mp3|titles=Entre Justo Arines def]

Entrevista Justo Arines con Humberto Michinel

.

Codealó son uns obradoiros didácticos de Educabarrié, a canle educativa da Fundación Barrié, para fomentar vocacións científico-técnicas a través da aprendizaxe da programación.

[audio:http://blogs.crtvg.es/efervesciencia/wp-content/uploads/2015/02/Micro-Barrie-Coedalo-def.mp3]

Educabarrié Codealó

.

A Wicho non se lle caen os aneis á hora de repasar a actualidade aeroespacial:

Wicherias febreiro 15

[audio:http://blogs.crtvg.es/efervesciencia/wp-content/uploads/2015/02/Wicherias-febreiro-15-def.mp3|titles=Wicherias febreiro 15 def]

Representación artística dos aneis de J1407b (Ron Miller)

Velaquí o programa empaquetado completo listo para ser escoitado, compartido e descargado

[audio:http://blogs.crtvg.es/efervesciencia/wp-content/uploads/2015/02/Efer-315-15-2-15.mp3]

Efer 315 (15-2-15)

Efer 280 (5-4-14): Neptuno e os tsunamis

Abr

14

2014

Hai 20 anos uns científicos visionarios esborrancharon nun pano de papel dun restaurante unha idea revolucionaria: Conectar os océanos a internet. Hoxe iso xa é unha realidade.

Kate Moran

[vimeo 68245101]

Todos estudamos que o 70% do noso planeta está cuberto por auga. Se queremos coñecer como funcionan os océanos e toda a vida que albergan non chega con coller un barco e sondar un único punto. O que cómpre é ter unha rede permanente de sensores e robots que monitoricen en tempo real todo o que ocorre no fondo do mar. E isto xa empeza a ser unha realidade con proxectos como os que se levan a cabo no instituto que dirixe Kate Moran, o Oceans Networks Canada ONC (1,2 e 3).

Tania Lado

Tania Lado estudou Enxeñería Oceánica na Universidade de Rhode Island grazas a unha bolsa Barrié. Logo de realizar o seu doutoramento nesta especialidade agora traballa no ONC implementando métodos de detección de tsunamis próximos á costa con observatorios como o Neptune, entre outros proxectos.

Desprazamento horario do tsunami do 1 de abril de 2014 xerado na costa chilena

O ONC é unha institución de investigación sen ánimo de lucro e conta con abondosos recursos divulgativos para curiosos (cámaras en directo dos observatorios, aplicación para informar sobre basura nas praias e pode axudar a un esforzo global para identificar correntes mariñas, vídeo de cangrexos e hidratos de gas, porcos mariños,…), profesores, investigadores, alumnos, videoxogadores…

[audio:http://blogs.crtvg.es/efervesciencia/wp-content/uploads/2014/04/entre-tania-lado-def1.mp3]

Descarga a entrevista a Tania Lado

Wicho analiza para os oíntes de Efervesciencia dúas novas de actualidade: as posibles consecuencias indesexadas da crise da Ucraína na exploración espacial, e os elementos de seguemento dos voos comerciais que fallaron no caso do voo malaio MH370.

[audio:http://blogs.crtvg.es/efervesciencia/wp-content/uploads/2014/04/Wicherías-Ucrania-e-Avión-Malasia-5-4-14.mp3]

Descarga Wicherías 5-4-14

Sabes o que é unha esopía? Pois é un chío en Twitter no que a primeira palabra ten 3 caracteres, a segunda 1, a terceira 4, a cuarta 1, a quinta 5,… non che soa a pi? O segundo concurso de esopías está no Mateblog de Agapema. Educabarrié apoia un gran número de concursos para escolares e público xeral, como por exemplo 0s concursos do Mateblog ou o KiiCS.

[audio:http://blogs.crtvg.es/efervesciencia/wp-content/uploads/2014/04/micro-barrie-concursos-def.mp3]

Descarga concursos Educabarrié

Se non houbese lúa perderíamos centos de belas cancións, cadros e poesías. Ademáis o mundo sería moi diferente, escoita senón unha nova postal planetaria de Borja Tosar.

E velaquí tes ao teu dispor o programa completo para escoitar, compartir, ou levar posto.

[audio:http://blogs.crtvg.es/efervesciencia/wp-content/uploads/2014/04/efer-280-5-4-14.mp3]

Descargar programa completo Efer 280 (5-4-14)

Efer 269 (11-1-04): No berce dos nanosatélites

Xan

11

2014

As ideas tolas so chegan a ser brillantes cando se traballan

Jordi Puig

Tres Cubsats lanzados desde o brazo robótico Kibo da Estación Espacial Internacional en novembro de 2013

E isto foi o que fixo Jordi Puig en 1999. Daquela o paradigma da industria aeroespacial era investir millóns de dólares en crear satélites de toneladas de peso. Pero este enxeñeiro afincado no Cal Poly – A Universidade Politécnica do Estado de California – pensou en facer nanosatélites de baixo custo de menos dun quilo empregando como man de obra equipos reducidos de universitarios, sen experiencia pero entusiastas.

E así naceron os Cubesat. De feito, os dous satélites galegos XatCobeo e Humsat que neste intre orbitan ó redor do noso planeta seguen este estándar. O Cal Poly é o berce dos nanosatélites, e alí traballa como investigador de postdoutoramento Ricardo Tubío grazas a unha bolsa Barrié.

[audio:http://blogs.crtvg.es/efervesciencia/wp-content/uploads/2014/01/ENTRE-RICARDO-TUBIO-def.mp3]

Entrevista a Ricardo Tubío

Ricardo Tubio

A Vinganza de Moctezuma en México, a Maldición do Faraón en Exipto, ou a Dama de Delhi en India obrigan aos viaxieiros occidentais a non separarse do váter por uns días. E todo porque ás bacterias dos nosos intestinos non lles gusta moito viaxar, como nos conta Esteban Fernández Moreira no seu Circo de Bacterias.

[audio:http://blogs.crtvg.es/efervesciencia/wp-content/uploads/2014/01/CIRCO-DE-BACTERIAS-DEF-MOCTEZUMA.mp3]

A vinganza de Moctezuma no Circo de Bacterias

Wicho lévanos de viaxe espacial con Rosseta e Gaia, pero coido temos turbulencias solares…

[audio:http://blogs.crtvg.es/efervesciencia/wp-content/uploads/2014/01/WICHO-GAIA-ROSETA-SOL.mp3]

Wicherias de paseo con Rosseta e Gaia

Nesta edición efervescente tamén estreamos sección dedicada a ciencia e a divulgación en Portugal. Velaquí tes o programa completo:

[audio:http://blogs.crtvg.es/efervesciencia/wp-content/uploads/2014/01/efer-269-11-1-14.mp3]

Descargar progama completo Efer 269 (11-1-14)

Efer 243 (4-5-13): Ao rico tomate!

Mai

24

2013

Continuamente debemos aprender a desaprender moito do que temos aprendido, e a aprender a aprender o que non se nos ensinou

R. D. Laing

Transxénicos ou ecolóxicos, cal vai ser a alimentación do futuro? Sobre esta apaixoante pregunta conversamos con José Miguel Mulet, investigador do Instituto de Biología Molecular y Celular de Plantas do CSIC-UPV, e autor do blog de divulgación Los Productos Naturales

[audio:http://blogs.crtvg.es/efervesciencia/wp-content/uploads/2013/05/entre-mulet-def.mp3]

Descargar entrevista a J M Mulet

.

No noso programa Wicho ten licenza para falar do que lle pete, e nesta ocasión faise eco da preocupación da comunidade internauta ante os inminentes cambios na lexislación da propiedade intelectual: que pasará coas obras producidas nas universidades? e coa copia privada? son estes cambios compatibles co open acces que promove a Unión Europea?

[audio:http://blogs.crtvg.es/efervesciencia/wp-content/uploads/2013/05/WICHO-propiedade-intelectual-def.mp3]

Wicho propiedade intelectual

Foto Asociación de Amigos da Casa das Ciencias

Con Martín Paeley de correspondente visitamos en directo a 18 edición do Día da Ciencia na Rúa orgnizado na Coruña pola Asociación de Amigos da Casa das Ciencias.

[audio:http://blogs.crtvg.es/efervesciencia/wp-content/uploads/2013/05/Directo-Día-da-Cienicia-na-Rúa-2013.mp3]

Directo Día daCiencia na Rúa 2013

.

É mais probable atropelar corzos un domingo de abril ao anoitecer. Eva Rodríguez, da axencia SINC, entrevista a Enrique Valero, director do grupo de investigación de Enxeñería Agroforestal da Universidade de Vigo e participante nun estudo sobre accidentes de tráfico con fauna salvaxe.

[audio:http://blogs.crtvg.es/efervesciencia/wp-content/uploads/2013/05/SINC-ATROPELOS-CORZOS-DEF.mp3]

SINC atropelos de animais

.

E velaquí tes o programa íntegro:

[audio:http://blogs.crtvg.es/efervesciencia/wp-content/uploads/2013/05/Efer-243-4-5-13.mp3]

Descargar efer 243 (4-5-13)