Programa 15 (28-1-07): Cryptosporidium

Fixémonos eco da presentación do libro Las Ciencias y las Tecnologías Marinas en España coordinado polo ecólogo mariño Carlos Duarte. Este informe do CSIC denuncia as causas da perda de peso internacional das investigacións en ciencias mariñas en España: grupos de investigación pequenos, falla de coordinación entre institucións e de investigacións interdisciplinarias.

Entrevistaremos a investigadora do programa Parga Pondal Carolina Bartolomé. Carolina traballa no grupo de Medicina Xenómica da USC, en concreto en xenómica comparada e evolución molecular. É especialista no cromosoma Y da mosca Drosophila, e está iniciando unha investigación sobre un parasito chamado Cryptosporidium responsable de diarreas.

Carolina Bartolomé.

Carolina Bartolomé.

Na “Sección Aleatoria” rematamos a serie dedicada ós fornos microondas falando das trolas que circulan sobre estes aparatos. Unha boa explicación a este tema atópase en Curioso Pero Inútil.

Programa 14: INCITE (21-1-07)

O Consello da Cultura Galega presentou unha interesante páxina web chamada Álbum da Ciencia. En “Álbum da Ciencia” vanse publicar tódalas semanas de 2007 unha biografía dun científico, intelectual ou pedagogo galego que tivese relación coa Junta de Ampliación de Estudios. Esta institución foi a orixe do Consejo de Investigaciones Científicas.

Conversamos sobre o INCITE con Salustiano Mato de la Iglesia, catedrático de Bioloxía Animal e Director Xeral de Investigación da Xunta de Galicia. O INCITE -Innovación, Ciencia e Tecnoloxía- é o Plan Galego de Investigación, Desenvolvemento e Innovación Tecnolóxica 2006-2010. O INCITE prevé que o investimento en investigación en Galicia pase do 0,85% do PIB ata o 1,5%, onde a metade do esforzo investidor proveña do mundo empresarial.

Unha das novidades de INCITE é que por primeira vez se deseña a carreira científica.  E dicir, o itinerario que debe seguir un titulado universitario para chegar a ser un investigador cun posto de traballo estable.

Salustiano Mato

Programa 12: Xoguetes con ciencia (7-1-06)

Detrás de moitos xoguetes e obxectos cotiás atopámonos con fenómenos e curiosidades científicas. José Manuel Dapena e Concepción Mora son profesores nos IES de A Xunqueira (Pontevedra) e de Poio, respectivamente. Nos últimos levan organizando a Semana da Ciencia nos seus institutos. En 2006 dedicaron un completa exposición ós xoguetes e a súa relación coa ciencia.

Concepción Mora contounos unha sinxela experiencia que se pode facer na casa con dúas pelotas. Na entrevista en directo tivemos problemas co son e non se escoita moi ben esta explicación. Para emendalo, un vídeo vale máis que mil palabras.

[youtube]HnxQk53Nmu4[/youtube]

Tamén participou no programa Rafael García Molina, profesor da Universidade de Murcia, que tamén emprega xoguetes para facer divulgación científica.

Programa 11: VII Programa Marco da UE (31-12-06)

Chamounos a atención un artigo publicado recentemente en Science no que se anunciaba a morte de 5000 gorilas en África Central. En apenas 2 anos o 95% dos gorilas da reserva Lossi no Congo faleceron por causo do Ébola. Carles Vilá, profesor da Universidade de Upsala, falounos dende Suecia desta investigación da que é corresponsable.

A política de investigación na UE réxese por grandes plans plurianuais chamados programas marco. O 1 de xaneiro de 2007 entrou en vigor o VII Programa Marco que abranguerá o periodo 2007-2013. O Director Xeral de Investigación da UE, José Manuel Silva Rodríguez, explicounos as grandes liñas – cooperación, ideas, persoas e capacidades – deste plan de excelencia que conta cun orzamento de 50.000 millóns de euros.

Silva
José Manuel Silva.

Na axenda presentamos a exposición “Desenvolvemento sostible: buscando solucións” que se exhibe en Lugono pazo da Deputación Provincial. Tamén posible facer unha visita virtual dende a páxina web da Cátedra Unesco de Desenvolvemento sostible e educación ambiental da Universidade do País Vasco.