Efer 367 (16-10-16): Unha noite no observatorio

Por cuarto ano os de Efervesciencia xunto cos nosos estreleiros argallamos unha noite de observación pública do ceo para todos. Acollidos pola Agrupación Sirioxuntámonos mais de 60 persoas no observatorio astronómico de Cotobade. Ademais de Sirio acompañáronnos os amigos da Agrupación IO e as asociacións Amipa da Comarca do Sar e Chamorro de Narón (Liga Provincial de Clubs de Ocio de Persoas con Discapacidade Intelectual da Coruña).
Nesta festa da astronomía para todos tivemos un pouco de lúa, ceo estrelecido e a mellor compaña. Unha experiencia que é posible revivir grazas a maxia da radio.

Foto Ángel Arós

 

Efer 366 (14-10-16): Tres nóbeles e unha medalla Fields

 

As matemáticas son arte de dar o mesmo nome a cousas diferentes (Poincaré)

O actual director do instituto Poincare é o matemático Cedric Villani que estivo esta semana en Compostela invitado polo programa Conciencia que dirixe Jorge Mira. Quizais o mais fascinante dos traballos de Cedric Villani sexa descubrir como o estudo de fenómenos físicos ideais logo teñen aplicacións en campos dispares e alonxados como é o caso da economía.

 

Debullamos os nóbeles de ciencia 2016 cos mellores especialistas

1. Ana Mª Cuervo é unha investigadora de referencia en autofaxia no Albert Einstein College of Medicine de Nova Iorque. Ela explícanos o nobel concedido a Yoshinori Ohsumi.

 

2. Certos estados da materia conducen a electricidade non en función da súa estrutura ou composición senón a súas propiedades matemáticas como o número de buratos que presentan. Joaquín Fernández Rossier, director do proxecto de “Spintrónica do Grafeno” do Laboratorio Ibérico de Nanotecloxía (INL), preséntanos o nóbel de física que se lle concedeu a Thouless, Haldane e Kosterlitz.

 

3. A nosa colaboradora e profesora de química da USC Rosa Pedrido debúllanos o premio nobel de química 2016 concedido a Stoddart, Sauvage e Feringa polo desenvolvemento das máquinas moleculares.

 

O oso cavernario sempre volve á cova de mamá

Con Eva Rodríguez de SINC conversamos con Gloria Fernández Fortes da Universidade de Ferrara. A súas investigacións xenéticas veñen de descubrir a fidelidade dos extintos osos cavernarios ás súas covas natais.

Efer 364 (25-9-16): Palacios, Cirac e Helfgott

Este verán celebrouse na Universidade de A Coruña o I simposio internacional Julio Palacios. E ata alí levamos os nosos micros para conversar con mentes brillantes como o especialista en computación cuántica Ignacio Cirac ou o matemático Harald Helfgott.

 

O ordenador cuántico non existe. Aínda. Pero o día que se consiga crear, os códigos criptográficos actuais, entre eles o da túa tarxeta de crédito, quedarán obsoletos. Na teoría sabemos como se podería construír unha desas máquinas – capaz de resolver problemas que se lle quedan grandes aos superordenadores actuais – pero na práctica os sistemas cuánticos resístense a se deixar manipular.
Un dos científicos que máis ten contribuído á carreira do ordenador cuántico é Ignacio Cirac, do Instituto Max Plank de Óptica Cuántica.

O investigador do Instituto de Quimica-Física Rocasolano do CSIC Josep Mª Oliva cóntanos como coñeceu de xeito casual a figura de Julio Palacios, un dos grandes investigadores do século XX.

O matemático Harald Helfgott resolveu a conxetura feble de Goldbach que levaba aberta desde 1742. Agora xa é un teorema que di que todos os números impares pódense expresar por suma de tres números primos.

Manda un chío cunha letra pegadiza sobre a cultura científica para que se converta na nosa melodía #tuinguel

Conversamos co compositor Manuel Riveiro e co director do coro Encaixe Manuel Abraldes que serán os encargados de converter os textos gañadores en auténticos jingles musicais. Aquí tes as bases. O prazo remata o 12 de outubro ás 24h.

Que é A Chave de Cristal? Entre outras cousas unha nova sección efervescente na que imos presentarvos enredos e adiviñas para facer pensar. Xosé Luis Veiga Goy é o mestre de cerimonias e nos deixa un reto para ir quentando neuronas apto para pequenos e grandes. Envíanos as túas frases con palabras pentavogálicas ás nosas redes ou a efervesciencia@gmail.com

Efer 363 (10-7-16): Astronomía para gozar este verán

20691078871_6c2f90ce26_k

Foto Óscar Blanco

Os nosos estreleiros Irene Baspino e Martin Pawley da Agrupación IO preséntannos desde o MUNCYT da Coruña 6 iniciativas de astronomía para todos os públicos para gozar do ceo este verán 2016.

 

Coñecemos o labor do Centro Oceanográfico da Coruña do Instituto Español de Oceanografía da man do seu director, Santiago Parra, e do axudante de investigación, Joaquín Valencia.

 

O mecenado non é algo exclusivo das artes. No MUNCYT da Coruña conversamos co neurocientífico Luís Martínez que é un dos impulsores de Corbi Foundation, unha nova fundación galega que quere impulsar ós mellores investigadores mundiais en biomedicina.

 

Fonte “Nature”

Ana Latorre Pellicer – investigadora do grupo de medicina xenómica da USC – é a primeira asinante dun artigo que se ven de publicar esta semana en Nature. Neste traballo dan conta da importancia da “sincronización” entre os dous xenomas que portamos nas nosas células – o nuclear e o mitocondrial -cara a un mellor proceso de envellecemento.

Social Widgets powered by AB-WebLog.com.