Efer 549 (4-3-21): Monográfico Perseverance con Fernando Abilleira e Jesús Martínez Frías

Monográfico Perseverance coa colaboración de Borja Tosar. Versión estendida coas entrevistas completas
2:52 Fernando Abilleira é o director de deseño e operación, e subdirector de voo da misión Mars 2020 de Perseverance. Da man deste enxeñeiro do JPL-Nasa de ascendencia galega coñecemos polo miúdo os desafíos técnicos desta misión que vai pescuda indicios de vida pasada no planeta vermello.
33:55 Narración dos 7 minutos de terror da man de Borja Tosar e César Goldi
36:09 Conversamos sobre a xeoloxía e astrobioloxía marciana con Jesús Martínez Frías. Frías é investigador científico do Instituto de Xeociencias IGEO (CSIC-UCM). O seu equipo leva 7 anos traballando en Perseverance.

Efer 548 (25-2-21): O exoesqueleto virtual para a industria 4.0 creado en Galicia

0:58 Día de Rosalía
6:32 Leonor Parcero e Susana Ladra analizan no “Algoritmo poeta” os vídeos trola. Déixannos unha idea quizais desacougante, canto máis melloran os algoritmos que detectan os “Deep fake”, mellor se comportan os algoritmos que os crean.
29:06 A directora da Axencia Galega de Innovación, Patricia Arjerey, preséntanos a III convocatoria do programa IGNICIA que apoia as grupos de investigación galegos para que poidan facer chegar ao mercado as súas innovación.
42:12 Felipe Gil Castiñeira, investigador en AtlanTic da Universidade de Vigo, foi un dos creadores da spin-off Áncora que proporciona tecnoloxía de computación ubicua para a industria de 4.0. Áncora participou na primeira edición do programa IGNICIA do GAIN, e actualmente vén de gañar varias roldas de financiamento para sacar o seu produto ao mercado.

Efer 547 (18-2-21): Equalsea: O proxecto europeo para crear un mar equitativo cos grupos vulnerables

3:14 Previa da amartizaxe de Perseverance con Javier Pedreira “Wicho”
16:43 O investigador de economía aplicada da USC vén de conseguir co proxecto Equalsea unha cotizada axuda Consolidator Grant da UE para estudar como facer máis equitativos os beneficios dos océanos. O proxecto levarase a cabo en 5 anos en Galicia, a Amazonía e en África.
43:36 Co virólogo César Muñoz Fontela inauguramos sección: “Habelos hainos: historia dos virus”. Neste primeiro capítulo viaxamos de África a Estados Unidos coa febre amarela. César Muñoz Fontela traballa actualmente para a OMS desde Hamburgo (Alemaña) na loita contra a Covid.

Efer 546 (11-2-21): E se houbese partículas que se escapan aos detectores do LHC?

(4:04) O profesor da Facultade de Medicina da USC Antonio Salas é xenetista de poboacións. Federico Martinón é o xefe de pediatría do CHUAC e infectólogo. No seu grupo levan anos investigando o xenoma dos doentes que sofren infeccións. Veñen de escribir a Science unha carta achegando novas análises ao papel dos supercontaxiadores.

(17:59) En ciencia hai cousas que non se atoan ata que se buscan. Os detectores do LHC en Xenebra non están deseñados para rexistrar a existencia de partículas de longa vida. Xabier Cid (IGFAE-USC) coordina a posta en marcha do novo detector CODEX. De atopar estas novas partículas hipotéticas, estás quedarían encadradas alén do Modelo Estándar e mesmo poderían achegar algo de luz sobre a natureza da materia escura.

(37:51) Pode influír a polarización da sociedade no grado de cumprimento das normas sanitarias contra a pandemia? A esta pregunta dá unha posible resposta unha publicación do Grupo de Física non Lineal da USC en Scientific Reports empregando as chamadas redes complexas. Para construír o modelo da sociedade empregaron a rede social twitter. Conversamos con Alberto Pérez Muñuzuri.
http://www.efervesciencia.org