#modogatodeSchrödinger III: Esfera de Dyson

 

Os astrónomos que analizan os datos do telescopio espacial Kepler andan coa mosca atrás da orella coa estrela KIC 8462852Kepler esta especializado en atopar exoplanetas medindo o minúscula perda de luminosidade que ocorre cando un planeta “transita” por diante da súa estrela. O curioso é que Kepler atopou caídas irregulares no brillo de KIC 8462852 de ata o 20%. A orixe deste fenómeno inédito non están claras, mesmo sería compatible coa creación dunha “Esfera de Dyson” por unha civilización extraterrestre. Unha posibilidade  moi remota pero que acende a nosa imaxinación.

Xusto hai uns meses (Efer 325) Borja Tosar facíanos unha das súas postais planetarias sobre a “Esfera de Dyson”.

[audio:http://blogs.crtvg.es/efervesciencia/wp-content/uploads/2015/10/BORJA-ESFERA-DE-DYSON-DEF.mp3]

Postal Planetaria Esfera de Dyson

Efer 311 (18-1-15): Bateas para bacterias e transporte intelixente

Nada hai mais importante que ver os camiños da inventiva, que son, na miña opinión mais importantes que as invencións mesmas

Leibniz

I-chip en acción

Na guerra sen cuartel contra as bacterias patóxenas contamos cunha nova arma: a “batea” que permite cultivar no laboratorio ás bacteiras do chan. Un novo episodio do  “Circo de Bacterias” de Esteban Fernández Moreira.

[audio:http://blogs.crtvg.es/efervesciencia/wp-content/uploads/2015/01/Circo-Bacterias-Teixobactina-def.mp3]

Descargar Circo de  Bacterias Teixobactina

Foto Joy Lin (CC BY-NC-SA 2.0)

Pablo García Vilariño é enxeñeiro de Camiños, Canais e Portos pero non constrúe obra civil, senón que se dedica ao que el chama a sicoloxía das infraestructuras. Vilariño analiza a influencia das infraestruras nos desplazamentos das persoas. As veces mais estradas non significa mellores desprazamentos. García Vilariño é bolseiro Barrié.

[audio:http://blogs.crtvg.es/efervesciencia/wp-content/uploads/2015/01/Entre-Pablo-García-VIlario-DEF.mp3|titles=Entre Pablo García VIlario DEF]

Descargar entrevista  Pablo García Vilariño

Foto Kate McCarthy (CC BY-NC-SA 2.0)

Para tinguir o pelo se precisa moita mais química da que pensamos. Afortunadamente xa non utilizamos aceite de vitriolo, ou tamén coñecido como ácido sulfúrico. Esta é a Ciencia para andar por Casa de Bibiana García Visos.

[audio:http://blogs.crtvg.es/efervesciencia/wp-content/uploads/2015/01/Ciencia-andar-casa-TInguiduras-def.mp3]

Ciencia para andar por  casa: Tinguiduras

Completa o programa a nova Postal Planetaria de Borja Tosar. Aquí tes o programa completo para escoitar e compartir aos 4 ventos.

[audio:http://blogs.crtvg.es/efervesciencia/wp-content/uploads/2015/01/Efer-311-18-1-15.mp3]

Descargar Efer 311 (18-1-15)

Postal Planetaria: A guanteira da New Horizons

O que leva rumbo Plutón a sonda New Horizons  na guanteira non é moi diferente do que podes ter ti no teu coche, ou non? Escoita a  nova Postal Planetaria de Borja Tosar.

[audio:http://blogs.crtvg.es/efervesciencia/wp-content/uploads/2015/01/Postal-Plutón-New-Horizons-def-red.mp3]

Descargar Postal Plutón New Horizons

 

Efer 280 (5-4-14): Neptuno e os tsunamis

Hai 20 anos uns científicos visionarios esborrancharon nun pano de papel dun restaurante unha idea revolucionaria: Conectar os océanos a internet. Hoxe iso xa é unha realidade.

Kate Moran

Todos estudamos que o 70% do noso planeta está cuberto por auga. Se queremos coñecer como funcionan os océanos e toda a vida que albergan non chega con coller un barco e sondar un único punto. O que cómpre é ter unha rede permanente de sensores e robots que monitoricen en tempo real todo o que ocorre no fondo do mar. E isto xa empeza a ser unha realidade con proxectos como os que se levan a cabo no instituto que dirixe Kate Moran, o Oceans Networks Canada ONC (1,2 e 3).

Tania Lado

Tania Lado estudou Enxeñería Oceánica na Universidade de Rhode Island grazas a unha bolsa Barrié. Logo de realizar o seu doutoramento nesta especialidade agora traballa no ONC implementando métodos de detección de tsunamis próximos á costa con observatorios como o Neptune, entre outros proxectos.

Desprazamento horario do tsunami do 1 de abril de 2014 xerado na costa chilena

O  ONC é unha institución de investigación sen ánimo de lucro e conta con abondosos recursos divulgativos para curiosos (cámaras en directo dos observatorios, aplicación para informar sobre basura nas praias e pode axudar a un esforzo global para identificar correntes mariñas, vídeo de cangrexos e  hidratos de gas, porcos mariños,…), profesoresinvestigadores,  alumnos,  videoxogadores

[audio:http://blogs.crtvg.es/efervesciencia/wp-content/uploads/2014/04/entre-tania-lado-def1.mp3]

Descarga a entrevista a Tania Lado

Wicho analiza para os oíntes de Efervesciencia dúas novas de actualidade: as posibles consecuencias indesexadas da crise da Ucraína na exploración espacial, e os elementos de seguemento dos voos comerciais que fallaron no caso do voo malaio MH370.

[audio:http://blogs.crtvg.es/efervesciencia/wp-content/uploads/2014/04/Wicherías-Ucrania-e-Avión-Malasia-5-4-14.mp3]

Descarga Wicherías  5-4-14

Sabes o que é unha esopía? Pois é un chío en Twitter no que a primeira palabra ten 3 caracteres, a segunda 1, a terceira 4, a cuarta 1, a quinta 5,… non che soa a pi? O segundo concurso de esopías está no Mateblog de Agapema. Educabarrié apoia un gran número de concursos para escolares e público xeral, como por exemplo 0s concursos do Mateblog ou o KiiCS.

[audio:http://blogs.crtvg.es/efervesciencia/wp-content/uploads/2014/04/micro-barrie-concursos-def.mp3]

Descarga concursos Educabarrié

Se non houbese lúa perderíamos centos de belas cancións, cadros e poesías. Ademáis o mundo sería moi diferente, escoita senón unha nova postal planetaria de Borja Tosar.

E velaquí tes ao teu dispor o programa completo para escoitar, compartir, ou levar posto.

[audio:http://blogs.crtvg.es/efervesciencia/wp-content/uploads/2014/04/efer-280-5-4-14.mp3]

Descargar programa completo Efer 280 (5-4-14)