Experimento ← Efervesciencia

Efer 252 (6-7-13): Radio, ciencia, arte e leite ecolóxico

Xul

18

2013

En ciencia, como en política ou no amor, un pode posuír os mellores argumentos, e pola contra estar equivocado

Lee Smolin

Foto de Marcos González (CC BY-NC-SA 2.0)

O leite ecolóxico ten menos minerais que o leite convencional. Esta é unha das conclusións dun estudo asinado pola profesora da Facultade de Veterinaria Marta López que nos conta Eva Rodríguez da axencia SINC.

[audio:http://blogs.crtvg.es/efervesciencia/wp-content/uploads/2013/07/sinc-leite-orgánico-def.mp3]

SINC leite ecolóxico

Participantes no obradoiro "Comunicar ciencia na radio" (Foto Ramiro Santos)

Este sábado realizamos a terceira edición do obradoiro para “Comunicar Ciencia na Radio“. Unha experiencia que coidamos moi enriquecedora para os investigadores participantes e tamén para nós.

[audio:http://blogs.crtvg.es/efervesciencia/wp-content/uploads/2013/07/Entre-Dago-e-Conchi-Sánchez-I.mp3]

Entrevista a Pablo Dago e Conchi Sánchez I

[audio:http://blogs.crtvg.es/efervesciencia/wp-content/uploads/2013/07/Entre-Dago-e-Conchi-Sánchez-II.mp3]

Entre vista a Pablo Dago e Conchi Sánchez II

Cimadevila coa descubridora dos púlsares Jocelyn Bell

Margarita Cimadevila preséntanos a creación da asociación “Ars Ciencia” e o percorrido do seu traballo “Ciencia EX AEQUO“.

[audio:http://blogs.crtvg.es/efervesciencia/wp-content/uploads/2013/07/cimadevila-bell-def.mp3]

Conversa con Cimadevila

: Electróforo de volta e pel de gato

Con David Ballesteros facemos a segunda parte da fabricación do electróforo caseiro.

[audio:http://blogs.crtvg.es/efervesciencia/wp-content/uploads/2013/07/ballesteros-SOLUCION-ESTATICA-def.mp3]

Solución electróforo

Nesta edición tamén falamos da empresa innovadora Torus. Velaquí podes escoitar e descargar o programa completo:

[audio:http://blogs.crtvg.es/efervesciencia/wp-content/uploads/2013/07/EFER-252-6-7-13.mp3]

Descargar Efer 252 (6-7-13)

Efer 234 (9-2-13): Angelita e Angel

Feb

12

2013

A inmortalidade é unha fantasía, un xeito de esquecer a realidade. O que importa mentres estamos aquí é a vida, a xente, abrazar ó amigos, vivir feliz e intentar cambiar o mundo

Óscar Niemeyer

A gran innovación dos soportes de lectura electrónica é que cun so dispositivo pódense ler infinitos contidos. Este concepto inventouno e patentouno hai 70 anos unha mestra ferrolá Ángela Ruíz Robles, Doña Angelita. A redactora da axencia SINC Eva Rodríguez lémbranos á xénese do libro mecánico e entrevista ao neto da inventora, Daniel González de la Rivera.

[audio:http://blogs.crtvg.es/efervesciencia/wp-content/uploads/2013/02/SINC-ANGELA-RUIZ.mp3]

SINC Ángela Ruíz Robles

Anxela co prototipo do seu libro que actualmente pode verse no MUNCYT na Coruña

Para nós foi todo un privilexio poder contar nos estudios da Radio Galega en San Marcos cun dos meirandes investigadores galegos actuais: Ángel Carracedo. Carracedo é catedrático de medicina legal, director do grupo de Medicina Xenómica da USC e da Fundación Pública Galega de Medicina Xenómica. Con el tivemos o gusto de conversar sobre xenética forense no que son líderes mundiais, da súa etapa en Uppsala como “primeiro” bolseiro Barrié, de farmacoxenética, do programa Diana, de educación, das bases de datos xenéticas e a súa privacidade, de bioética, e de patentabilidade das técnicas xenéticas. Aproveitamos ao máximo a xenerosidade do profesor Carracedo de concedernos o seu tempo.

A entrevista emitímola en antena en dúas partes:

[audio:http://blogs.crtvg.es/efervesciencia/wp-content/uploads/2013/02/ENTRE-CARRACEDO-2013-PARTE-1.mp3]

Entrevista a Carracedo parte 1

[audio:http://blogs.crtvg.es/efervesciencia/wp-content/uploads/2013/02/ENTRE-CARRACEDO-2013-PARTE-2.mp3]

Entrevista a Carracedo parte 2

Para os que queirades escoitar a versión orixinal estendida da conversa con Angel Carracedo podédela escoitar aquí:

[audio:http://blogs.crtvg.es/efervesciencia/wp-content/uploads/2013/02/ENTRE-CARRACEDO-2013-EXTENDIDA.mp3]

Entrevista a Carracedo estendida

Ángel Carracedo con Marta Vila

David Ballesteros dános a solución aos experimento con ovos que formuláramos no anterior programa de Efervesciencia.

[audio:http://blogs.crtvg.es/efervesciencia/wp-content/uploads/2013/02/Solución-Ovos.mp3]

Descargar solución ovos

Ovo de prata de Andrea González

Velaquí podes escoitar e descargar o programa completo:

[audio:http://blogs.crtvg.es/efervesciencia/wp-content/uploads/2013/02/EFER-234-9-2-13.mp3]

Descargar programa completo

Efer 233 (19-1-13): O retorno da lura xigante

Feb

5

2013

Sempre suspiramos por visións de beleza, sempre soñamos mundos descoñecidos

Máximo Gorki

Lura xigante fotografada por Discovery Channel

A pasada semana soubemos que un equipo xaponés dirixido por Tsunemi Kubodera foi quen de filmar para Discovery Channel e por primeira vez na historia a unha lura xigante viva no seu medio. Beleza en estado puro no descoñecido mundo das profundidades abisais.

Conversamos co teutólogo Ángel Guerra, Profesor de Investigación no CSIC-IIM, é un dos máximos especialistas mundiais no Architeuthis dux, a lura xigante. Unha viaxe fascinante ao incrible mundo dos cefalópodos e o seu rei indiscutible.

[audio:http://blogs.crtvg.es/efervesciencia/wp-content/uploads/2013/02/entre-lura-xigante-def.mp3]

Entre lura xigante con Ánguel Guerra

Ánguel Guerra

En Galicia temos empresas que están deseñando o seus propios prototipos de turbinas para explotar as correntes mariñas, é o caso de Resolve Enerxía.

[audio:http://blogs.crtvg.es/efervesciencia/wp-content/uploads/2013/02/INNOVANDO-RESOLVER-RENOVABLES-DEF.mp3]

Innovando Resolve Enerxía.

Nesta edición efervescente tamén coñecemos o incrible caso dun rotífero que leva 80 millóns de anos sen sexo (1 e 2). Non podía ser noutro sitio que no Circo de Bacterias de Esteban Fernández Moreira.

[audio:http://blogs.crtvg.es/efervesciencia/wp-content/uploads/2013/02/circo-rotíferos-def.mp3]

Circo de Bacterias Rotífero

Rotífero bdelloideo (Diego Fontaneto en Plos Biology, doi:10.1371/journal.pbio.0050099.g001)

Completa o programa un experimento de ovos. Podes escoitalo integramente aquí:

[audio:http://blogs.crtvg.es/efervesciencia/wp-content/uploads/2013/02/efer-233-19-1-13.mp3]

Descarga o programa completo

Percepción extracorpórea en directo

Out

19

2012

No programa 220 conversamos con Casto Rivadulla de NeuroCOM entre outras cousas de como a realidade virtual pode ser unha ferramenta útil para a neurorrehabilitación en doentes de párkinson. E nestas paroladas saíu a idea de que é moi doado facer unha experiencia de realidade virtual “analóxica”. Para iso so se precisa dun par de pinceis e unha “man de goma” (así é como se coñece este experimento) ou doutro material. Casualidade das casualidades nos tiñamos no programa en directo unha man que fabricamos enchendo de pasta de modelaxe unha luva das de lavar a louza.

O noso coello de indias foi Ricardo Cao, vicerreitor de Investigación da Universidade da Coruña. Trátase de que o suxeito so vexa a man de goma mentres o pincel toca simultaneamente a man real e man inerte.

Ricardo Cao experimentando o efecto da "man de goma"

En poucos segundos síntese a man de plástico como propia. Toda unha experiencia extracorpórea coa que se pode triunfar en todo tipo de encontro entre amigos.

Un final inesperado para experimento da man de goma (ilustración Javier Zarracina, www.boston.com)

[audio:http://blogs.crtvg.es/efervesciencia/wp-content/uploads/2012/10/Neurocom-man-de-plástico.mp3]

Descarga o audio do experimento da man de goma