Efer 369 (30-10-16): Por que nos sigue fascinando Verne?

 

“Todo o que unha persoa poida imaxinar, outras poderano facer realidade”

cv89akuxeaaxf2d-jpg-large

O xornalista e historiador Eduardo Rolland é un “verniano” ata a medula. Con el parolamos sobre o creador de “20000 leguas debaixo do mar”, a súa visión da ciencia e os científicos e a súa relación con Vigo.

 

O necrobioma pode resolver asasinatos

Cando morremos ponse en marcha un reloxo bacteriano que agora sabemos interpretar. Circo de Bacterias con Esteban Fernández Moreira especial Samaín.

 

“Mareas Vermellas” na gran pantalla

Tendemos a asociar ás mareas vermellas con episodios tóxicos, e non é así na maioría das veces. O equipo de Bioimaxe, xunto con Ardora SCG, mergúllanse nas nosas rías para producir o documental “Mareas Vermellas” que conta co asesoramento do investigador do IEO Francisco Rodríguez.

 

Estudan as cidades de bacterias que tes na boca

Os biofilms que crean as bacterias nas nosas bocas son como cidades en miniatura. Se queremos probar a efectividade dos antisépticos orais non abonda, como agora, con ensaialos nunha cápsula petri. Cómpre facelo “in sito” instalando dispositivos na boca. A doutora Isabel Prada cóntanos que con este método os resultados difiren do que se coñecía ata agora.

Efer 359 (12-6-16): O misterio do microscopio na lama

Contamos a incrible historia do microscopio atopado na lama, vendido en e-bay por 50€ e considerado o microscopio histórico de maior valor. Así o contan en Nature.
O coleccionista galego Tomás Camacho saltou do súa cadeira cando veu un lote de barateiras nunha poxa de e-bay. Agora é o propietario do único microscopio autentificado de Leeuwenhoek.

Actualmente a colección Pallas-Camacho exhíbese no Museo de Historia Natural da USC xunto cun exemplar orixinal de Micrographia de Robert Hook. A colección foi restaurada por Rafael San Marcial.

 

Contido extra: “Na miña boca hai mais seres vivos que en todos os Países Baixos”
Recuperamos a entrevista que lle fixemos no seu día ao pai da microscopía en Entrevistas no Alén.

 

Un investigador que escribe un blog de divulgación científica pode recibir retornos inesperados. Cando o bioquímico José Manuel López Nicolás “Scientia” visitou Santiago en 2014 para participar nunha charla de divulgación en EEEP-Compostela atopouse cunha solicitude de entrevista por parte de Ismael Martínez, responsable de proxectos de Feiraco. Martínez coñeceu a existencias as ciclodextrinas de Nicolás grazas ao seu blog de divulgación e ao “Señor dos Aneis”. E este foi o inicio dunha proveitosa colaboración científica no proxecto Dismetasin.

Non é habitual ver unha marca comercial nun artigo científico. Ismael Martínez cóntanos como recentemente publicaron que unha modificación na alimentación das vacas pensada para mellorar o seu perfil lipídico adicionalmente demostrouse que reduce a pegada de carbono do proceso produtivo nun 10%.

 

No “Circo de bacterias” de Esteban Fernández Moreira coñeceremos como xenes fluorescentes de bacterias poden acabar en árbores ou para cifrar mensaxes.

Efer 344 (28-2-16): Inmunoloxía

A todos os  estudantes lles terá parecido aburrido aprender un tema novo. Iso é así porque a aprendizaxe é descubrimento pero non aventura. Pero si foi unha aventura a que viviron quen contribuíron a encher os libros que hai que estudar para aprobar os exames

César Milstein, premio nobel de medicina

Os inmunólogos traballan en como reforzar as defensas do noso organismo e non empregan iogures precisamente. A catedrática de inmunoloxía da Universidade de Vigo África González cóntanos os seus traballos para mellorar a vacina da tuberculose e o uso da nanotecnoloxía nesta disciplina.

Tamén lembramos a figura de César Milstein, premio nobel de medicina, con quen África estivo 4 anos como investigadora de postdoutoramento. Durante a emisión do programa na Radio Galega os compañeiros da Agrupación IO fixéronnos esta recomendación:

No noso Circo de Bacterias de Esteban Fernández Moreira coñeceremos avances na loita contra a malaria que saíron do coñecemento indíxena. Saberes que foron validados polo método científico e que agora son patrimonio da humanidade. Linneo chamou á quina Cinchona officinalis e esqueceu ao seu descubridor o indio Pedro Leyva.

Alberto Rojo, profesor do departamento de Enxeñería Agroforestal da Universidade de Santiago preséntanos Eucatool, unha aplicación dixital para estimar a produción das plantacións de eucalipto. Con Eva Rodríguez da Axencia SINC.

Completa este programa a presentación en primicia que nos fixo Deborah García Bello do seu libro “Todo es cuestión de química”.

Efer 314 (8-2-15): Cambiamos o clima, ou mellor que o arranxen os nosos netos?

O paraíso prefíroo polo clima, o inferno polas compañas

Mark Twain

Trey Ratcliff (CC BY-NC-SA 2.0)

Xoán Taboada é un físico que sae nos medios día si e día tamén.  Desta volta invitamos ao coordinador de predición meteorolóxica de Meteogalicia a conversar de vagar sobre ríos atmosféricos, refráns do tempo (con Henrique Neira), extremos meteorolóxicos e cambio climático. ou equidade climática interxeracional. Todo un luxo para os nosos oíntes.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Entrevista  a  Xoán Taboada

.

Ciclo de formación do xacemento de Witwatersand. A etapa clave é a precipitación do ouro por acción das bacterias (Nature Geoscience)

Bacterias que converten o que tocan en ouro. O maior xacemento de ouro do mundo chegou a formarse grazas a acción de bacterias “mineiras” segundo un artigo de Nature Geoscience. Un novo capítulo do Circo de Bacterias de Esteban Fenández Moreira desde Quito (Ecuador).

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Bacterias mineiras “Circo de Bacterias”

.

☰☵ Michele M. F. (CC BY-NC-SA 2.0)

Ten sentido a moda dos leites sen lactosa? Por que os iogures caseiros non teñen lactosa e si os comercias? Deborah García Bello, @dimetilsulfuro, a flamante gañadora do Bitácoras ao mellor blog de ciencia, nolo conta.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Leites sen lectosa por Dimetilsulfuro

Non deixes de compartir, descargar, chiar, facebookear o noso programa. Aquí tes esta edición completa:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Efer 314 (8-2-15)

Social Widgets powered by AB-WebLog.com.