Feb
6
2013
David Ballesteros propónnos tres sinxelos experimentos para facer en familia con ovos na casa: o ovo de prata, o ovo elástico e o ovo Houdini. Os materiais son moi sinxelos: unha vela, vinagre, almibre, unha botella de vidro, e por suposto ovos.
Mándanos unha foto (ou vídeo) do teu experimento antes do 8 de febreiro o noso facebook. A mellor achega gañará un agasallo efervescente.
[audio:http://blogs.crtvg.es/efervesciencia/wp-content/uploads/2013/02/BALLESTEROS-OVOS-DEF.mp3]
Feb
5
2013
Sempre suspiramos por visións de beleza, sempre soñamos mundos descoñecidos
Máximo Gorki
Lura xigante fotografada por Discovery Channel
A pasada semana soubemos que un equipo xaponés dirixido por Tsunemi Kubodera foi quen de filmar para Discovery Channel e por primeira vez na historia a unha lura xigante viva no seu medio. Beleza en estado puro no descoñecido mundo das profundidades abisais.
Conversamos co teutólogo Ángel Guerra, Profesor de Investigación no CSIC-IIM, é un dos máximos especialistas mundiais no Architeuthis dux, a lura xigante. Unha viaxe fascinante ao incrible mundo dos cefalópodos e o seu rei indiscutible.
[audio:http://blogs.crtvg.es/efervesciencia/wp-content/uploads/2013/02/entre-lura-xigante-def.mp3]Entre lura xigante con Ánguel Guerra
Ánguel Guerra
En Galicia temos empresas que están deseñando o seus propios prototipos de turbinas para explotar as correntes mariñas, é o caso de Resolve Enerxía.
[audio:http://blogs.crtvg.es/efervesciencia/wp-content/uploads/2013/02/INNOVANDO-RESOLVER-RENOVABLES-DEF.mp3]
Nesta edición efervescente tamén coñecemos o incrible caso dun rotífero que leva 80 millóns de anos sen sexo (1 e 2). Non podía ser noutro sitio que no Circo de Bacterias de Esteban Fernández Moreira.
[audio:http://blogs.crtvg.es/efervesciencia/wp-content/uploads/2013/02/circo-rotíferos-def.mp3]
Rotífero bdelloideo (Diego Fontaneto en Plos Biology, doi:10.1371/journal.pbio.0050099.g001)
Completa o programa un experimento de ovos. Podes escoitalo integramente aquí:
[audio:http://blogs.crtvg.es/efervesciencia/wp-content/uploads/2013/02/efer-233-19-1-13.mp3]
Nov
9
2012
Se un artesán estivese certo de soñar por espazo de 12 horas que é rei, coido que sería case tan feliz coma un rei que soñase 12 horas que é artesán
Blaise Pascal
Speleonectes atlantida (Foto Ulrike Strecker, www.naturalanza.com)
Coa maxia da radio convertémonos por uns minutos en espeleólogos submarinos no túnel da Atlántida acompañados polo biólogo mariño Alejandro Martínez. Alejandro e o seu equipo penetran en covas virxes asolagadas para recoller miñocas e outros bichos, seres incribles que pasarían todos os castings nunha película de ciencia ficción. Na Universidade de Copenhague este investigador galego-canario analiza xeneticamente as súas mostras para reconstruír a historia evolutiva de tan fascinantes animais.
Entrevista a Alejandro Martínez
[audio:http://blogs.crtvg.es/efervesciencia/wp-content/uploads/2012/10/Entre-Alejandro-Martinez-def1.mp3]
Alejandro Martínez (dereita) cun espeleomergullador do seu equipo
A nova da semana lévanos ó museo Cosmo Caixa de Madrid onde a fin de semana pasada celebrouse a final da XII edición do Concurso “Ciencia en Acción”. Neste concurso para escolares e divulgadores de España, Portugal e Iberoamérica o IES de Ames mereceu unha mención de honor na modalidade “Adopta unha estrela: fala de astronomía” co traballo pluridisciplinar “Co A de Ames, co A de astronomía e co A de ágora”.
E non foi este o único recoñecemento galego neste certame. As escolas infantís municipais coruñesas Carricanta, Os Cativos e Monte Alto, xunto co Centro Integrado de FP Anxel Casal, tamén da Coruña veñen de gañar o “Ciencia en acción” na modalidade de Ciencia e Tecnoloxía. Conversamos con Montse Sancho.
[audio:http://blogs.crtvg.es/efervesciencia/wp-content/uploads/2012/10/Intro-MONTSE-SANCHO.mp3]
[youtube sPjv1uFwgtI?]
O importante das viaxes moitas veces non é chegar ó destino, senón a viaxe en si. Iso ben o saben os nosos estreleiros, Óscar Sánchez e Irene Baspino, o importante non é saber moito de todo o ceo nocturno, senón gozar da paisaxe, da compañía, do que cada quen vai descubrindo cada noite. Nesta guía do ceo do mes de outubro-novembro falamos de Alfa Centauri Bb , das oriónidas e leónidas e de como se presenta a tempada astronómica, xa que no 2013 teremos un par de cometas interesantes. Tamén comentamos a recontrución da traxectoria do bólido diurno que cruzou os ceo galegos o pasado 9 de agosto ás 21:37 que fixeron os investigadores Ángel Docobo e Pedro Campo do Observatorio Astronómico Ramón María Aller da USC.
[audio:http://blogs.crtvg.es/efervesciencia/wp-content/uploads/2012/10/guía-do-ceo-outubro-12-def1.mp3]
Guía do Ceo de Outubro-novembro
Simulación do momento no que o bólido parte en dous (Fonte USC)
Out
3
2012
Por que cando se nos funde unha tableta de chocolate logo non recupera a súa forma orixinal? Que queren dicir as etiquetas cando falan de porcentaxe da cacao? Como se elabora este manxar dos deuses? A estas preguntas dá resposta a nosa científica mais caseira, Bibiana García Visos.
[audio:http://blogs.crtvg.es/efervesciencia/wp-content/uploads/2012/10/Bibiana-chocolate-def1.mp3]Chocolate en “Ciencia para andar por casa”
A David Ballesteros propuxémoslle un reto, facer un experimento co chocolate do que nos falou Bibiana. E el invitounos a medir a velocidade da luz con so tres elementos domésticos: unha tableta de chocolate, unha regra e un forno microondas.
[audio:http://blogs.crtvg.es/efervesciencia/wp-content/uploads/2012/10/Ballesteros-luz-microondas-chocolate-def1.mp3]Medir a velocidade da luz con chocolate
Con esta fórmula obtemos a velocidade da luz en cm/s. Para tela en m/s só cómpre dividir esta cifra entre 100. Mándanos a túa medición da velocidade da luz cunha foto e comentario ao noso facebook, e poderás recibir un dos nosos agasallos.
