Programa 22 (18-3-06): No berce da civilización.

Nace unha nova revista de divulgación científica: Ciencia. Edítaa a Agrupación Astrónomica Rías Baixas de Vigo. A súa periodicidade é semestral. Antolín Franco, presidente da Agrupación, comprometeuse na minientrevista que lle fixemos a mandar exemplares a calquera persoa ou institución que lla soliciten. Xa sabedes.

Primeiro nº de Ciencia

Primeiro número de Ciencia.

No tempo da conversa tivemos ao profesor da Universidade da Coruña Juan Luis Montero, director do proxecto arqueolóxico “Medio Eufrates Sirio”. Montero é especialista en cultura mesopotámica do milenio III ao II a.c. Recentemente o seu equipo descubriu unha cidade perdida que semella ser unha das mais antigas da historia (3.500 a. c.).

 

Montero no Éufrates
Montero nun xacemento no Éufrates (Foto: Eloy Taboada)

 

Pregunta do concurso. En España estamos a celebrar o ano da ciencia. Pero, que ano internacional relacionado coa ciencia tamén ten lugar en 2007?

          a) Ano Polar Internacional.

          b) Ano Internacional da Nanotecnoloxía.

          c) Ano Internacional das Ciencias da Vida.